Reiðiblogg pirrpirrpirr

Helvítis hössl þessi hreyfimynd sem ég ákvað að gera sem lokaverkefni í hreyfimyndakúrsinum... Brúðurnar sem ég bjó til eru óstöðugar, detta í tíma og ótíma, bakgrunnurinn er vesen og birtuskilyrði eru vandamál... Ég verð sko aldrei neinn næsti Tim Burton, ég er of mikill tjasslari fyrir svona þolinmæðisvinnu. Svo er ég búin að missa trú á söguþræðinum og PRUUUMP.... Fjandinn hafi það.
Nenniggi, nenniggi, nenniggi... Og svo ofan á allt þá ákvað ég að hafa fugl sem eina persónuna... FUGLAR FLJÚGA, og það er vesen að taka myndir af fugli úr víraklessu í loftinu þegar ég held með einni hönd um myndavélina, hinni um vírinn sem heldur fuglinum uppi, er að pæla í hreyfingunum í senunni, horfi með öðru auganu á fuglinn og með hinu á myndina á skjánum, krjúpandi á gólfinu, að svitna af áreynslu við að halda öllu stöðugu svo myndirnar verði ekki hreyfðar, að halda inni í mér andanum því annars dettur fokkíngs brúðan um koll og fleira og fleira!!!!!!!!
Ég hata þegar ég er undir of mikilli pressu að skila frá mér meistaraverkum.
$#%&#$%#%#$%%$#***
Ég vil svo engar töfralausnir(ég er búin að prófa það, sjáðu til-eða ég nenni því ekki),í kommentin því þá verð ég bara enn reiðari!!!

Að vitna til-bleh?

Uppáhalds tilvitnanir mínar:

Going Postal(Terry Pratchett)"Ask me about Pins/stamps"-Hef breytt þessum í "Ask me about coffee"
The Emperor's new groove"Pull the lever!--- Wrong lever!!!"
Monty Python"A wink's as good as a nod to a blind bat eh?"
Patrick í Spongebob Squarepants"She's Purty"
Ljóshærða gellan úr breska Coupling"Apparently"
Postal service, um þann sem myrti Kennedy"He was just a man with something to prove, slightly bored and severly confused"

Æji, man ekki fleiri

Augasteinn

Óskasteinninn í auga mínu
er kristall, sem speglast
í víðáttu hafsins,
handan alls og einskis.

Uppkast af hreyfimyndinni:D

Lítil stúlka í bláum ullarkjól með blómum á leikur sér í blíðunni í snjónum. Fugl einn flýgur til hennar og hún leikur við fuglinn. Dagsbirtan verður allt í einu köld og og stingandi og langur skuggi birtist. Gömul kerling, mjög ljót og sköllótt, eineygð og illa lyktandi kemur að litlu stúlkunni og sest hjá henni. Litla stelpan verður dauðskelkuð og hendist í burtu, fuglinn hræðist og flýgur burt. Gamla konan situr ein eftir í snjónum, hissa og leið. Hún fer að gráta og það byrjar að snjóa. Einhverju síðar hættir að snjóa og fuglinn kemur að gömlu konunni og fer að leika við hana. Fuglinn étur gömlu konuna og skilur eftir bera beinagrindina... Litla stelpan kemur og gefur fuglinum brauð.
Fuglar eru illir... Nema Yello:D

Svolítið svart blogg, ég afsaka...

Ég var að uppgötva nýja hljómsveit:D The Postal Service heitir heillin og er megagóð.
Að öðru, ég er búin að vera að íhuga svolítið... Mér er meinilla við orðið "sjálfsmorð"... Kannski svolítið emo að vera að tala um þetta en ástæðan fyrir þessari íhugun er sú að ég stóð sjálfa mig að því að nota ensku útgáfu orsðins, suicide, í stað þeirrar íslensku, og þar sem mér er yfirleitt illa við óþarfa slettur, sem ekki eru sagðar í gríni, þá fór ég að hugsa um þetta(já ég veit, löng setning). Ástæða fyrir óþoli mínu á orðinu sjálfsmorð er vegna merkingu orðanna tveggja til samans, eins og að manneskja, sem ákveður að enda líf sitt, sé eitthvað að fremja einhvern hrottalegan glæp, en í langflestum tilvikum eru sjálfsmorð "framin" í ítrustu neyð, og oft af geðsjúkum og þunglyndum einstaklingum, þó stundum sé um að ræða einhverskonar fljótfærni, að þvi er virðist. Mér þykir orðið sjálfsmorð vera mjög ýkt orð og kannski má segja smá niðrandi bæði fyrir aðstandendur og líka fyrir minningu þeirra sem binda enda á líf sitt. Kannski að orðið ætti að vera aðeins hlutlausara en það er í dag... Ég veit ekki...