Bördí

Vá hvað ég var eitthvað dugleg í gær við alla aðra hluti en stærðfræðina. Mamma hélt smáköku boð um 2-3 leitið en fyrir þann tíma hafði ég eiginlega ekkert lært. Ekki nýtti ég mér tímann í smákökuboðinu til lærdóms þar sem litlu frænkurnar mínar voru að horfa á Fuglastríðið, og maður má svo sannarlega ekki missa af þeirri klassík. Svo þegar gestirnir voru búinir að "drattast" burt fórum við á kvöldtónleika í Hallgímskirkju að hlusta á Mótettukór syngja allskyns jólalög. Svo fórum við heim og þá loksins hafði ég einhvern tíma til þess að læra, en ákvað þess í stað að búa til jólakort, ekki má maður reita listadísina til reiði...
Mér gekk samt sem áður bara þokkanlega í þessu stærðfræðiprófi, ótrúlegt en satt, og var því búin að klára minn skammt af stærðfræði tuttugu mínútum áður en próftíminn var uppurinn. Þá nýtti ég mér aukatímann vel og skaust á Kaffitár, sníkti mér út frían, stóran Macchiato og beyglu á afslætti og náði svo strætó til heimferðar. Mmmm beyglan bragðaðist vel og kaffið líka. Ekki leifði ég neinu, enda er "synd og skömm að leyfa svona góðum mat, Nammsílíbaba".