mergurinn málsins

The oddities of nature

2012-02-16T23:40:00.001Z

Án titils

2011-10-12T18:37:00.000Z

Gangandi um nótt í borgaralegri sveit,
fyllast lungu mín hægt
útblástursblönduðu lofti, fifty fifty
sleikjó nemur við svört og bleik munnvikin.
Rykmettun 400 µg/m³ og ég anda með annarri nösinni.
Hálfljósmengaður himininn undirstrikar Karlsvagninn
með neongrænu tússi
og manngerða fjallið í götunni minni hefur verið fjarlægt.

Með karamellur í rassvasanum

2011-10-12T18:34:00.000Z

Með karamellur í rassvasanum
Bíð eftir að þær mýkist
Geng allan daginn
Með karamellur í rassvasanum.

Hún var glerhörð í morgun,
Óþroskuð, óæt
Ég fann það með puttunum
Ég setti tvær til vonar og vara
Ef ég skyldi vilja aðra seinna.

Hún var ljúffeng loksins þegar ég át hana
Mjúk, teygjanleg og
Ef ég væri með lélegar fyllingar
Þá myndi ég kyngja þeim með.
Svo át ég hina.

Ó vissa

2011-06-09T13:20:00.002Z

Hún hefur komist að niðurstöðu um hvað það er sem hún verður að gera. Þetta gengur ekki lengur eins og þetta er núna, hún er öll í glundroða, ekki nógu skipulögð og hún er fullkomlega ósamkvæm sjálfri sér. Hún verður að byrja upp á nýtt, hefur ákveðið að endurskipuleggja persónu sína, og endurskrifa sjálfa sig. Á rithöfundamáli myndi þetta kannski kallast persónusköpun, nema að í þetta sinn á hugtakið við hana sjálfa. Hún ætlar að skrifa inn nýjan hugsunarhátt í persónu sína, nýtt útlit, nýjan smekk, allt nýtt. All mun vera kyrfilega skipulagt, sett saman í kerfisbundna dálka og hópa, líkt og í forriti þar sem enginn "random" fítus er til staðar, nema hugsanlega í fyrirframákveðnum aðstæðum. Ekkert mun koma á óvart og ekekrt, nema hún sjálf, getur ráðið sínum eigin örlögum.

Kennileiti persónu

2011-05-11T19:22:00.000Z

Þegar ég lít upp sé ég glitta í höfuð hans ofan á húsþaki. Hann hefur verið að sóla sig þarna uppi, hugsanlega að reykja- í bleikri skyrtu. Ég tók eftir því hverju hann klæddist en ekki hvernig andlit hans leit út, Ef ég hitti hann fimm mínútum seinna úti á götu myndi ég ekki þekkja hann. Ef hann hefði verið bera að ofan hefði ég líklegast tekið mest eftir skyrtuleysinu, en ef fataleysi væri alls ekkert óeðlilegt og fólk væri yfirleitt nakið úti á götu hefði ég þá betur tekið eftir andliti hans eða hefði ég frekar tekið eftir bringuhárum/bringuháraleysi hans?

Ef allir hefðu nákveæmlega sama eins líkama væri fólk þá minna feimið við að sýna þá? Fólk hefur mjög mismunandi andlit en a.m.k hérlendis er ekkert tiltökumál að sýna þau, andlit okkar og líkamar eru kennileiti sem hægt er að þekkja okkur af. Með því að bera búrkur eru konur þá að eyða kennileitum sínum?

Handy man hamrar

2011-05-10T18:13:00.003Z

Ég horfði á þungt verkfærið í höndum mér, gat ekki komið þessu guðsvolaða lagi af heilanum mínum... "I'm a handy man...". Ekkerð slæmt lag í sjálfu sér, en flest verður leiðigjarnt eftir nokkra klukkutíma... Seinasta tímann hafði ég hamrað í takt við lagið í hausnum á mér, á mismunandi hraða, sungnu með mismunandi óþolandi röddum, oftar í þumalputtann held ég, en í höfuð naglans.
Talandi um nagla, og náunga sem kallaðir eru naglar... Er þá yfirleitt búið að hamra úr þeim allt vit? Hver er það sem gerir slíkt? Sá hlýtur þá að skarta stokkbólgnum þumalputta...

Um vinnustofuna Seyðisfjörður 2011

2011-02-21T17:22:00.001Z

Nokkrir listnemar, íslenskir og erlendir, setjast að, ár hvert á Seyðisfirði, í sautján daga í þeim tilgangi að setja upp sýningu í Skaftfelli. Skaftfell er menningarmiðstöð Austurlands og staðsett á Seyðisfirði. Bærinn Seyðisfjörður er einskonar millistaður, nógu afskekktur til að hægt sé að finnast maður vera einn, en nógu tengdur til þess að maður flækist ekki í eigin þankagangi í einveru sinni. Þannig er staðurinn tilvalinn til sköpunar og íhugunar. Mörg verkin á sýningunni bera lauslega keim af náttúru staðarins og sérstöðu hans.

Axel, Bergur, Heidi, Helga, Jóhanna María, Leó og Sebastian eru þau sem nú dvelja þar.

2011-02-02T18:03:00.002Z

Ég fékk póstkort um daginn. Það var ekki stílað á mig og heimilisfangið var ólesanlegt, það líktist ekki einu sinni addressunni minni. Póstberinn hlýtur að hafa sett bréfið í póstlúguna af einskærri tilviljun, ekki vitað hvað átti að gera við munaðarleysingjann og bréflúgan mín svosum virst jafngóð og hver önnur.
Ég opnaði bréfið nokkrum dögum seinna og í því stóð:
"Ég lifi í hliðarveröld sem staðsett er inni í bréfalúgunni þinni. Þú heitir kolröngu nafni þannig að ég vildi senda þér rétt nafn, líttu á umslagið!"

...

2011-02-02T17:59:00.002Z

Í húminu fýkur silkifóðruð loðhúfa niður strætið sem tengir miðbæinn við vesturbæinn.
Í faldinum situr stakt hár fast, nýlitað svörtum pakkalit.
Það er nýbúið að rigna og bleikleitur pollur safnast yfir stífluðu holræsi.

Morguninn er hljóður enn um sinn og fyrstu vekjaraklukkurnar fara að hringja daginn inn.

Í borginni er alltaf einhver að deyja.

Samtíningur ljóða í safn

2011-02-02T17:51:00.002Z

Hann flýtur þarna á vatnsyfirborðinu
í hvítu postulíninu,
liðaður og fallega hringaður
eins og vatnalilja,
hinn hvíti, hreini
tannþráður.
Þráðurinn sem hann notaði til að draga úr höfði hugmyndirnar, myndirnar
og hugsanaþræðina, til að þæfa úr þeim ull,
ullarband,
og prjóna úr þeim gull.

Gylltir eins og appersínugulir æðafuglar
taka þeir strætó
og virða fyrir sér útsýnið
í gegnum rispaðar rúður
í von um að sjá heiminn í nýju ljósi.
Á leið sinni safna þeir orðunum saman
í ljóð hinna röngu orða
yfirstrikuð orð, útþurrkuð,
ekki rétt skrifuð, ekki rétt hugsuð.
Á meðan fer fram uppskurður, bókagagnrýni
á þröskuldi andstæðra póla
þar sem skera skal úr hjartað og lungun
því það er rembihnútur á æðakerfinu
og tilfinningarnar mega ekki flæða til heilans.

Í gær meig ég í skóna.
Ég meika þetta ekki lengur.
Ég loka þær inni
til seinni afnota, misnota
ónota.

Innilokaðar,
innantómar að innanverðu
inni loka, inni í tóminu, inni verða um aldur og ævi.
Bíða eftir þér
lesa ljóð eftir þig.

Djöfull ertu frábær...
Eins og Tom Jones.

Ég sökka stundum feitt

2010-12-10T00:30:00.003Z

Endilega láttu mig vita ef ég verð of sjálfhverf, mér er varla viðbjargandi. Ég er í ferli sem byggist á því að skilgreina sjálfa mig, skrifa ritgerðir um sjálfa mig, hugsa um sjálfa mig, gera umsagnir um sjálfa mig... Ég meira að segja blogga um sjálfa mig. Ekki eins og það hafi ekki verið nóg af því fyrir. Ég er meira að segja búin að vera svo upptekin í sjálfhverfunni að ég kaus ekki í stjórnlagaþingskosningunum.
En það er alltaf ég í samhengi við umhverfið, innblástur, idolin, áhrifavaldana, og það er svo erfitt að sjá hvað af þessu er það sem raunverulega hefur áhrif og hvað er það sem ég vildi að hefði áhrif. Auðvitað vill maður að áhrifavaldarnir séu ógeðslega svalir listamenn en ekki einhver róni úti í bæ... Þegar það hins vegar er róni út í bæ sem er áhrifavaldurinn þá reynir maður að dulbúa það með því að kasta fram eftirá nokkrum nöfnum svalra listamanna sem hafa unnið með rónum úti í bæ. En af því að ég er svo léleg í namedropping leiknum að þá þarf ég alltaf að leita heimilda, googla og þessháttar til að kasta nöfnunum fram. Sem gerir það að verkum að samtalið er komið á allt aðrar götur og það eina sem ég get gert er að vona að sama samtal eigi sér stað aftur, með einhverjum öðrum og ég get loksins nýtt mér nöfnin, ef ég er ekki búin að gleyma þeim... Ég sökka stundum feitt... Kannski er ég bara feit... Kannski er ég bara feik...
Með stjórnlagaþingið... Þing fólks, sem kannski getur haft áhrif á breytingar á stjórnarskránni. Kosningarnar-prufa hvernig persónukjör gæti hugsanlega virkað ef það yrði einhverntíman tekið upp...
Fólkið sem bauð sig fram: Örugglega gott fólk upp til hópa... En það sem það setur í kynninguna sína getur verið mesta bullshitt ever, hvað veist þú um það? Kannski er gellan sem þú vilt kjósa í fyrsta sæti siðlaus og segir hvað sem er til að komast í einhverja valdastöðu(sem er þó ekki mjög valdarík... Þýðir það þá að fólkið sem býður sig fram er heiðarlegt því það vill valdalausa stöðu?)
Orðin: ,,Hamingja, sameining og orka" geta staðið fyrir framan hvaða hlut sem er og þýtt mismunandi hluti, þau geta líka verið merkingarlaus, en af því þau eru sett fyrir framan eitthvað gerum við ráð fyrir að það sé sannleikur...(kemur frá Baldri bekkjó). Það að frambjóðandi noti þessi orð í kynningunni þýðir ekki að hann líti á þau á sama hátt og ég þegar ég les kynninguna hans. Hann gæti verið að meina þvíngaða hamingju(allir eiga að taka þunglyndislyf), sameningu(fasíska) og orku(íslendingar eiga allir að æfa líkama sinn og heila stíft ef til stríðs skyldi koma)...
Er ég ekki bara að afsaka mig með innantómum orðum?

Sjáiði á þessu hvernig týpa ég er?

2010-11-16T17:21:00.005Z

Bækur:
Hinn guðdómlegi gleðileikur(ný þýðing í fullri lengd)
E-ð eftir Rögnu Sigurðardóttir skáldsagna- og ljóðahöfund
Microscopia eftir Robert Hooke(teiknar myndir úr smásjá)
Doris Deyr
E-ð eftir Kristínu Eiríksdóttur
E-ð Eftir Kristínu Ómarsdóttur (ekki Elskan mín ég dey)
Leigjandinn eftir Svövu Jakobsdóttur
Einmana Prímtölur(Þýdd bók) fæst t.d. í Hagkaupum
Icelandic Art today-gefin út í fyrra/hitteðfyrra...

Tónlist:
Eels(hljómsveit)
Sing for me Sandra(Ný íslensk hljómsveit)
Depeche Mode(Ég á Exciter)
Royksopp
Arctic Monkey

Annað:
sokkar með blúndu ofaná-helst svartir eða dökkir
legghlífar(e-ð prjónað/heklað með smáatriðum)
steingerfing

Uppfæri síðar... bíðið spennt;D

Varúð?

2010-11-07T00:23:00.002Z

Einn dag framkvæmdi ég gjörning í skólanum...

Gólfin eru kál í bleytu

1012 dropar

2010-10-07T19:42:00.003Z

Glærir veggir veita ekki skjól fyrir aðkasti heimsins. Splúndrast í þúsund og tólf (í hundraðasta veldi) mola ósýnilegir en stórhættulegir. Við hvern andardrátt læðast með gleragnir, dulbúnar sem loftagnir, glærar, í gasformi undir 1000 tonna þrýstingi. Ferðast um líkamann og setjast að á innri veggjum hjartans, bindast varanlegum sameindaböndum og þekja hjartahvelin. Ég verð að fá mér sterkbyggðari veggi næst til að verja glerhjartað mitt betur.

7. október ´10

Ég reyndi mitt besta til þess að skrifa þér bréf, segja þér hvað mér fyndist, hvernig mér liði, en pappírinn var gegnsósa af saltvatnsupplausninni og blekið barst um æðar pappírsins. Það var eins og pennin styngi blaðið og því blæddi svörtu galli. Engin orð voru skiljanleg, en þrátt fyrir það sendi ég bréfið. Það kæmi hvort eð er líðan minni betur til skila heldur en orðin hefðu nokkurntíma.

7. október ´10

kistill

2010-10-07T19:17:00.002Z

Mig langaði að plata þig. Plata þig til þess að lesa ljóðin mín. Þú virtist engan áhuga hafa á þeim þegar ég sagði þér frá því sem ég hafði verið að bralla í textagerð. Þú spurðir mig hvenær ég ætlaði að mála handa þér mynd, ég mætti ráða hvað væri á henni. Ég notaði allskonar trikk til að vekja áhuga þinn, bjó til vídeo og setti ljóðin í undirtextann, en þú sofnaðir í miðju ljóði. Ég málaði texta á vegginn í stofunni þinni en þú settir yfir það veggfóður án þess að lesa það sem ég hafði að segja. Ég beitti öfugri sálfræði á þig, bannaði þér að opna dagbókina mína og þú lést hana í friði. Ég meira að segja reyndi að höfða til fornleifafræðingsins í þér, skrifaði textann á að því er virtist aldagamalt blað, setti það í fornan kistil og læsti. Þá setti ég lykilinn á kippuna þína, þessa með stjörnumerkinu þínu á. Svo kom ég til þín með kistilinn og sagðist hafa fundið hann uppi á háalofti. Ég spurði þig hvort þú vissir hvar lykillinn væri og þú sagðist hafa séð óþekktan lykil á lyklakippunni þinni. Við prófuðum dularfulla lykilinn og hann opnaði kistilinn án vandræða. Þú skimaðir yfir textann sem stóð á blaðinu og dæmdir hann á augabragði, ,,æj þetta er bara eitthvað úr einhverri dagbók" og lagðir hann aftur í kistilinn. ,,Þetta er hins vegar fallegur kistill."

7. október ´10

Frægur íkorni

2010-10-06T17:21:00.002Z

Ég kroppa í sárið, smá rauður blóðdropi birtist, glansar. Ég kreisti til að losa um hlekki húðarinnar, losna við útlitstengda fordóma. Set þá í tilraunaglas og drekki þeim í lífvísindalegri tilfinningaþvælu keyptri á afslætti í Krónunni. Hristi vel og set í skilvindu. Skilja skal hismið frá kjarnanum, kjarnann frá erfðaefninu... Ég reima skóna og geng sjálfsörugg út um dyrnar með smá ör á annarri öxlinni. Minniháttar sársauki sem hjálpar mér að vinna úr illskunni í heiminum, lifa með henni, meðfram henni, svo ég nagi ekki af mér útlimi sökum samviskubits. Klemmd gildran sem stöðugt, án afláts, sendir hættuboð í almenningssamgöngurnar og umferðarteppan, sem eins og sykrað tyggigúmmí, teygjanlegt með mjúkum kjarna, kemur í veg fyrir að fréttaskilaboðin berist alla leið heldur festast í klístraðri æðateppunni. Loppan á fimum íkornanum, klemmd í gildrunni og skilaboðin á röngu tungumáli, óþýdd og gagnslaus, ónothæf.

2. október ´10

Ráðleggingar lífsins... ;D

2010-10-04T21:52:00.004Z

Bestu og verstu ákvarðanir lífsins eru teknar í skyndi. Þær ákvarðanir sem teknar eru á löngum tíma, með mikilli íhugun eru yfirleitt meðalgóðar. Lífið þarf að vera sambland af útpældum ákvörðunum og skyndiákvörðunum til þess að vera í jafnvægi. Margir una sér þó ekki í jafnvæginu og kjósa fremur að lifa annarsstaðar á ásnum. En ef þú vilt breyta lífi þínu, reyndu að skilgreina það hvernig ákvarðanir þú tekur yfirleitt og prófaðu hina gerðina...

Strætóferð: 4. október ´10

Dagbók listamanns statement 1-2

2010-10-01T17:44:00.002Z

Leiðin skiptir miklu máli, ekki endilega í endanlegu formi, heldur fyrir mig. Spuni er mikilvægur. Spuni út fra´e-u sem birtist mér í umhverfinu. Það að setja eitthvað saman sem annaðhvort passar saman eða ekki. Oft óreiðukenndar aðferðir vi ðað ná einhverju út úr sjálfri mér. Stundum sest ég niður með penna í hönd, með blað fyrir framan mig og skrifa orð. Spinn út frá því og úr því verður ljóð eða texti eða mynd. Jafnvel skúlptúr. Vinn ég á svipaðan hátt í aðra miðla t.d. leir, eða video. Horfi á það sem kemur út og yfirleitt reyni ég að vinna eitthvað smá út úr því, ekki of mikið, en nóg til þess að mér finnist það ná einhverju nýju eða fögru eða ljótu eða fyndnu. Stundum öllu í einu. Með uppsetningu finnst mér best að hugsa ekki of markvisst heldur setja hluti fram í e-u samhengi eða andstöðu frekar hratt, stundum hrátt. Vinna með hugmyndaleysi, ritstíflu, prófa mig áfram með efni, læra á þau, leyfa efninu að hafa áhrif á mig og hafa áhrif á efnið.

28. sept ´10

Að setja eitthvað fram og rökstyðja það. Setja svo fram eitthvað annað og grafa þá undan fyrri fullyrðingu. Vera í mótsögn og meðsögn vegna þess að allt sem þú segir og gerir hefur jákvæð eða neikvæð áhrif á það sem á undan er liðið eða það sem eftir kemur. Þú borðar t.d. jógúrt til að fá kalk, en jógúrtin er með kaffibragði(1% kaffi) sem þ.a.l. kemur í veg fyrir að sumt af kalkinu er ekki tekið upp í blóðinu og skolast út með þvagi eða hægðum. Allt virkar á svipaðan hátt og ómögulegt er að koma í veg fyrir að eitthvað standi eða falli með ásetningi. Í hvert sinn sem þú segir eitthvað þá er það á skjön við eitthvað sem þú hefur áður sagt eða haldið fram. Þó þýðir það ekki að önnur sögnin sé sannari, standi þér nær, í öðru en tíma, því oft er hægt að vera á mörgum skoðunum í einu. Að viðurkenna hræsni sína er merkilegri hlutur en að vera hræsnislaus. Því hræsnislausir eru annaðhvort einfeldningar eða meistarar í geislandi sjálfsblekkingu.

29. sept

Loð

2010-10-01T17:42:00.002Z

Loðnir staðir, loðin tímabil.
Hér og þar og hvar
í umhverfinu
á líklamanum.

Ég gaf þingmönnum gjafabréf
í brasilískt vax
svo þeir þyrftu ekki
að vera ósnyrtilegir
til fara.

Átta ósýnilegar flugur

2010-10-01T17:34:00.002Z

Átta hugmyndir í einu sem reyna að trana sér fram í brjálæði, reyna að vera fyrst, fremst, best. Gerir flottasta heljarstökkið og afturábak skrúfu, hnýta, hnjóta um hvern annan, bregða fæti fyrir sjálfan sig því þeir gleymdu að reima skóna í upphafi. "Reimaðu skóna þína" sagði mamma oft upp úr þurru, jafnvel þegar ég klæddist ekki einu sinni skóm, eða var í skóm með frönskum. Ég lærði það fljótt af eigin reynslu að æskilegt þætti að klæðast skóm útivið þegar ég steig á hunangsflugu í grasinu, berfætt í engum skóm né sokkum. Ég steig á líkama hennar, hún stakk mig í ilina. Samskipti okkar urðu ekki lengri. Ég geri ráð fyrir að hún hafi flogið ringluð í burtu og dáið á sér kærum stað. Kannski í faðmi túnfífils, eða á blaði holtasóleyjar, þó líkleegra hefði verið að hún hafi lent á köngullóarvef. Ég vona þó að hún hafi dáið áður en Lóa kom að snæðingi. Ekki vildi ég hafa neitt ómannúðlegt, ómannlegt á samviskunni... Því geng ég í skóm til að gera örlög þeirra flugna sem ég kann að hafa stigið á, eða mun í framtíðinni traðka á, ósýnileg.

Kindamyndasögur

2010-08-16T23:48:00.001Z

Hæ hér eru skemmtilegar kindamyndasögur;D Tékkið á þeim;D

Frekar löng spurning en...

2010-08-04T19:39:00.003Z

Örlitlar bárur á vatnsfletinum bjaga spegilmynd fjarðarins. Það er eins og sjórinn hafi fótósjoppað fjallið. Ég stíg aðeins nær, sko... Nú er ég líka fótósjoppuð. Stelpan í vatninu er ekki með jafnmarga fæðingarbletti, jafn veglegt nef og ekki jafn stórar mjaðmir og ég. Er Hún þá Ég? Ég sest á hækjur mér, teygi höndina út í vatnið. Hún teygir hönd sína í himininn. Ég gríp í hönd hennar, hún grípur í hönd mína. Ef ég toga, togar hún líka og mun ég þá enda sem fótósjoppuð mynd hennar á örlítið báruðum vatnsfletinum?

Útilega

2010-05-19T23:51:00.003Z

Flíspeysan strýkst upp við gerfiefnið í útilegustólnum. Mýflugan sveimar í kringum höfuðið og sest í hárið. Tóm augu horfa á sólarlausan himininn og þögnin í kring er mettandi. Döggin í grasinu bleytir upp bómullarsokka og sandala með frönskum rennilás sem liggja við berar fætur. Inni í tjaldi bíður kaldur brakandi svefnpoki eftir því að hlýr líkami hiti hann upp.

Bækur og albúm

2010-05-14T21:06:00.004Z

Þessar þrjár ljósmyndir var ég með á sýningunni í Kubbnum um daginn. Einnig var ég með dularfullt fjölskyldualbúm...

"Ljósmyndin sem sjálfstæður miðill í myndlist"

2010-05-09T23:12:00.001Z

Sýning í Kubbnum, myndlistardeild Listaháskóla Íslands, Laugarnesvegi 91, Reykjavík

dagana 12. maí - 14. maí 2010
Opnun: Miðvikudaginn kl. 14:00 - 16:00
Opið virka daga frá kl. 9:00 - kl 16:00

Miðvikudaginn 12. maí kl 14:00 opnar ljósmyndasýning í Kubbnum,
sýningarrými myndlistardeildar Listaháskóla Ísland.

Nemendur á fyrsta og öðru ári í myndlistardeild hafa í sex vikur
unnið með ljósmyndina útfrá mismunandi nálgun og sjónarhornum undir
listrænni umsjón myndlistarmannsins Erlu S. Haraldsdóttur.

Sem dæmi um verkefni má nefna; "Sjálfsmyndin/ Selfportrait,
"Fjölskyldumyndin/ "Intimate life" og "Frásögn í ljósmyndun"/ "The
contructed narrative".

Á þessari litríku sýningu í Kubbnum sýna nemendurnir:

ARNÓR KÁRI EGILSSON,

GUÐNÝ HRÖNN ANTONSDÓTTIR,

HALLA ÞÓRLAUG ÓSKARSDÓTTIR,

JÓHANNA MARÍA EINARSDÓTTIR,

KATLA STEFÁNSDÓTTIR,

KATRÍN ERNA GUNNARSDÓTTIR,

KRISTÍNA AÐALSTEINSDÓTTIR,

LILÝ ERLA ADAMSDÓTTIR,

UNA GUNNARSDÓTTIR

Verið hjartalega velkomin!

Myndbönd

2010-04-14T12:08:00.005Z

Gjörningur

Vídjó

Vídjó

6 weeks of Hell with Erling

2010-03-08T17:45:00.002Z

6 weeks of hell with Erling er yfirskriftin á gjörninga og video sýningunni sem verður í enda valfagsins sem ég er í núna. Sýningin verður haldin laugardaginn 13. mars í Nýlistasafninu(Nýló) á Skúlagötu 28, rétt hjá Aktu Taktu... Byrjar kl 5 og endar kl 7. Endilega mæta þeir sem geta:D
Ég verð með 3 video og amk einn gjörning.

Gjörningar, gerningar, happenings, performance art...

2010-02-20T17:47:00.004Z

hæhæ. Soldið langt síðan ég hef bloggað seinast. Ég er núna í áfanga sem heitir gjörningar og video. Ég veit svosum alveg hvað þið hugsið þegar þið heyrið ,, gjörningar"... Naktir karlmenn að meiða sig og blóð... Það er nú ekki alveg svo einfalt. Hér er t.d. mjög töff gjörningur/video sem Janine Antoni gerði.
Um daginn framdi ég gjörning sem var svona. Ég fór í Hagkaup í Kringlunni og las upp frumsamið ljóð í hátalarakerfið þar. Konurnar sem voru að vinna þennan dag gerðu allt sem þær gátu til að fá leyfi fyrir mig og er ég þeim mjög þakklát.
Í gær settum við öll upp gjörninga í skólanum fyrir nemendur og kennara. Ég sat á gólfinu á annarri hæð með gamla bók um fugla sem hafði verið lokuð í alllangan tíma. Þetta var bók sem okkur áskotnaðist þegar amma flutti úr íbúðinni sinni og í minni íbúð í blokk fyrir aldraða. Bókið innihélt blaðsíðurmeð myndum af fuglum og í gjörningnum reif ég þær allar út úr bókinni. Svo bjó ég til skutlur úr öllum myndunum og í endann opnaði ég glugga og skutlaði þeim út. Það var rosalega flott hvernig blaðsíðurnar svifu um í rokinu. Ég er samt með smá samviskubit yfir því að hafa hent rusli út í náttúruna, vona bara að þetta verði fljótt að mold... Það tók mig þvílíkt langan tíma að brjóta öll blöðin saman í skutlur en það voru nokkrir sem í alvöru sátu allan tímann og horfðu á...
Á fimmtudaginn förum við öll í áfanganum með rútu til Flateyrar(6-7 klst akstur) og verðum í húsi þar þangað til á mánudag. Við fáum með okkur tvær upptökuvélar og verðum líklegast allan tímann að taka upp efni... Vona að það komi eitthvað út úr þessu:D

Myndasögubók kemur út á mánudag

2010-01-22T18:20:00.002Z

Á mánudaginn munu 7 myndlistarnemendur úr listaháskólanum, þ.m.t. ég, gefa út myndasögubók. Útgáfupartý verður haldið um daginn í Útúrdúr(bókverkabúð staðsett í Havarí) í Austurstræti, við hliðina á Thorvaldssen.
Endilega sem flestir að mæta og fjárfesta í eintaki, en bókin verður í mjög takmörkuðu upplagi, einungis 50 eintök verða gefin út. Þannig að það er best að næla sér í eintak á meðan það er til...

Svefnspjall

2010-01-11T23:52:00.003Z

Allar færslur á þessari síðu eru eitthvað sem maður þessarar konu segir í svefni... Lesið, þetta er flokk fyndið:D

Jólagjafahandbók Jóhönnu

2009-12-10T23:17:00.003Z

DVD
Monty Python Holy Grail
Monty Python Life of Brian
Monty Python scetch þættir
Paprika(anime teiknimynd)

Bækur
1001-Hugleikur Dagsson(ódýrari í kilju)
4. bókin í Hitchhikers guide
Myndlistarbækur með samtímalistamönnum
Ljósmyndabækur
Myndasögur(Hugleikur, eða bara eitthvað úr Nexus)
Terry Pratchett bækur
Nýja bókin frá Sjón
Einhverja töff bók/bókverk frá Havarí/útúrdúr í Austurstræti
Einhverja skemmtilega bók

Tónlist
nýja Hjálmadiskinn
nýja Hjaltalíndiskinn
nýja Diktadiskinn, eða eldri diska
Eitthvað með Blonde Redhead

Eitthvað annað
mig vantar t.d. dagatal fyrir 2010
Flottar sokkabuxur(ég nota Medium)
mig vantar Lancome eyliner penna-svartan(er samt soldið dýr minnir mig)
Listaverk eftir þig

fáeinar fréttir af seinustu dogum...

2009-11-11T21:26:00.003Z

hæhæ langt síðan ég hef bloggað... Kannski ég sletti bara framan í ykkur nokkrum fréttum...
1. Ég sótti um risastórt þriggja vikna Kuno námskeið sem á að fara fram í þrem borgun ásamt Reykjavík með þremur nemendum frá hverri borg og einum kennara. Borgirnar eru Vilnius, Rvk, Bergen og Stokkhólmur, eða Osló, man ekki... Dvalið er í viku í senn á hverjum stað og verður farið í nóvember núna til Bergen, svo verður farið í mars, svo koma hinir hingað í maí og svo verður farið í október... Stutt frá því að segja að ég var ekki valin þrátt fyrir stórkostlega ferilmoppu og greinagerð... svei:(
2. Jóhanna Þorleifsdóttir vinkona mín úr Listaháskólanum og Myndlistaskólanum er búin að unga út lítilli sætri stelpu... Ég er að fara að líta undrið augum ásamt Sigrúnu og Helgu Kristjonu á laugardaginn.
3. Ég er að fara með skólanum til New York í ágúst:D:D:D:D ;D í 9 daga... Það eru held ég 23 sem eru búnir að skrá sig í ferðina... 60.000 kal fram og til baka, og þá á bara eftir að borga gistingu og uppihald... Ekki neitt:D Hlakka sjúklega mikið til:D Vona bara að Iceland express fari ekki á hausinn og að krónan falli ekki meira...
4. Er að reyna að safna topp+
5. Er að skrifa ljóð í skúlptúráfanganum sem ég er í í skólanum... Eru ljóð ekki alveg orugglega skúlptúrar?
6. tölvan mín er farin að taka upp á því að sýna mér blue screen of death... Fokk...
já... takk fyrir mig og verði mér að góðu

ógeðslegt

2009-10-14T12:45:00.001Z

Álkutómatur gengur út á umferðargötu og verður fyrir bíl. Svartfuglsbanani gengur einnig út á umferðargötu og verður líka fyrir bíl. Eins og rauð blóðklessa og gult slímugt hor liggja þeir þarna og rotna.

Fimm mínútna ljóð

2009-10-03T19:15:00.002Z

Óskapnaður
fólkið hleypur um
Öskrar
ÖSKRA...
Urrar hvert á annað
ósammála
skoðanamismunur
virðingaleysi
Nei... Aldrei...
Glætan spætan...
Allt fer í hringi,
í spíral
spíral sem endar í engu
eða öllu?

tveggja mínútna ljóð

2009-10-03T19:12:00.003Z

orð
orðanotkun
orðamorð
orðadauði
lífga við
nota aftur
endurnýta
enduruppgötvun
ofnotkun
dauði

hringrás
tíska

Reykjavík Round-up/Réttir

2009-09-24T20:43:00.002Z

Miðvikudagur
fyrsti dagur Rétta
Sá:
For a Minor Reflection(FaMR)
Ólaf Arnalds(eitt lag)
Skelk í Bringu
og Hanne Hukkelberg

FaMR var mjög fín:D það var skrítinn listamaður8með eilífðarplömmer) á sviðinu með þeim að mála málverk af tónlistinni. Fannst mér útkoman ekkert sérstök, heyrði líka að hann hafi gert þetta með fleirum hljómsveitum, og einhverjum frægum og þetta líti allt voða svipað út...
Ólafur Arnalds var einum of rólegur og spilaði ekki neitt nýtt... Við Eva fórum snemma
Skelkur í bringu var... hmmm öðruvísi:D Svona frekar aðeins of pönkað fyrir minn smekk, en mér fannst byrjanirnar á lögunum mjög góðar og lofa góðu þangað til Steinunn fór að öskra, hehe... En það var bara gaman:D
Hanne Hukkelberg stóð uppúr að mínu mati. Hún er norsk söngkona sem hefur spilað alls konar tónlist með alls kyns hljómsveitum, en þarna var hún "sóló" með trommara og rafmagnsgítarspilara... Hún hefur sjúkt flotta rödd og lögin voru áhugaverð og smá grípandi, er viss um að við aðra hlustun verði þetta ein af uppáhaldstónlistamönnunum mínum:D

Fimmtudagur
annar dagur Rétta
er að fara að sjá:
The state, the market and the DJ, er að njóta núna Myspace-ins þeirra:D
Kannski Mugison, fer eftir gæðum ofangreindrar hljómsveitar
og Hjálmar

mmmm hlakka bara til:D

Ég er ein af þeim

2009-09-19T22:06:00.002Z

Óþveginn maður gengur að mér
augun fjólublá.
Býður mér góðan daginn og hneigir sig.
Biður mig um að hjálpa sér
en áður en ég veit hvað það er
segi ég nei og geng framhjá.

Jette brå

2009-09-12T14:27:00.001Z

Ég hitti Svía í gær með helíumrödd...

í sumarfríi

2009-07-29T13:55:00.003Z

Ég er s.s. komin til hinnar systur minnar, Svönsu. Kom þangað í fyrradag eftir tíu tíma akstur. Í gær fórum við í hjólatúr út að vatninu hérna rétt hjá og borðuðum nesti og lágum í sólbaði á teppi á grasinu. Svo fengum við Ferskan grillaðan maís og lúngamjúkan kjúkling:D Namminamm. Svo fóru stelpurnar litlu í leikskólann í morgun og ég og Svansa gengum um skóginn að skoða ávextina sem vaxa þar. Á leiðinni heim fundum við tré með gómsætum fullþroskuðum litlum plómum og brómberjarunna með þyrnum á... Við fórum aftur til baka að tína plómurnar og súru svörtu brómberin:D Svo komu stelpurnar heim frá leikskólanum og eru núna að éta uppskeruna:D

Að leggja í Hollandi er fokkíng dýrt

2009-07-24T22:01:00.004Z

Í fyrradag kíktum við í lítinn bæ rétt fyrir utan Amsterdam, sem heitir Haarlem. Gengum við um og höfðum það náðugt, kíktum smá í H&M og á kaffihús. Svo fór að rigna smá á meðan við vorum á veitingahúsarölti svo við kíktum á Tapas stað og fengum okkur ljúffenga tapasrétti. Um leið og við komum út af staðnum byrjaði að rigna... Svo rigndi meira og aðeins meira... Svo komu þrumur og það rigndi sjúklega mikið... Við húktum í smástund undir tré. Svo hættum við okkur í áttina að bílnum okkar og þá kom langmesta rigningin.. við gjörsamlega syntum í gegnum stræti bæjarins. Loksins stytti upp og ákváðum við þá að skjótast inn á kaffihús að hlýja okkur aðeins og þerra okkur... fá okkur smá kaffi:D mmmm Svo fórum við heim.
Í gær tékkuðum við á öðrum, aðeins stærri smábæ í ca 45 mín fjarlægð frá Amsterdam, og heitir Delft. Þaðan kemur hvíta postulínið með bláu mynstrunum... Þar var markaður sem við kíktum aðeins á og fengum okkur góðar hnetur að narta:D Svo kíktum við í kirkju eina á staðnum. Fyndin saga af þessari kirkju. Þetta er hjúgs kirkja með risa turni... Alveg smack við hliðina er önnur kirkja í svipaðri stærð, aðeins lægri þó. Sú kirkja er aðeins eldri. Ég man ekki alveg út af hverju, en gamla kirkjan var þarna lengi vel eina stærsta kirkjan í þessum smábæ, mjög stórfengleg og stór... En svo byggðu þeir aðra kirkju ennþá stærri og söfnuður gömlu kirkjunnar horfðu með öfundaraugum á turn nýju kirkjunnar rísa hærra en turnar gömlu kirkjunnar... Í Delft fundum við sætt torg með veitingastöðum og settumst á einn slíkan og fengum okkur ljúffenga pizzu:D
Í dag fórum við í Utrecht sem er frekar stór borg hér í Hollandi, ca. 45 mín frá Amsterdam. Þar fundum við bílastæðahús sem rukkaði einungis 2 evrur á klst í staðinn fyrir 4,10 evrur á klst... Já, að leggja í Hollandi er fokkíng dýrt... Svo með einhverjum undarlegheitum, þrátt fyrir ónothæfa kortið sem Helga prentaði út af netinu og skrítna GPS tækið hans pabba sem reyndi með endæmum að fá okkur til að ganga í endalausar U-beygur, komumst við í miðbæinn...(Reyndar með minni hjálp, ég sagði, Í þessa átt skulum við fara vegna þess að þarna eru tveir stórir kirkjuturnar sem líta út fyrir að vera miðsvæðis og í sömu átt er sæt brú... þetta mun vera áttin að miðbænum...) Og viti menn, ég hafði rétt fyrir mér:D Þar ætluðum við að skoða The Central Museum sem er með allskonar águgaverða hluti til að skoða, bæði gamla listmuni, málverk, hönnunarvörur eftir Rietveld(frægur De stijl hönnuður) og allskonar... Hmmm, klukkan var því miður orðin fimm og öll söfn lokuð, það tekur víst soldinn tíma að bíða eftir að pabbi er búinn að borða heila máltíð á Burger King og finna sætan bar þar sem allir hinir gætu fengið sér eitthvað annað að borða en börgerkíng og finna svo safnið... Við s.s. fórum ekki á neitt safn, en við skoðuðum safnabúðina...:D Svo fundum við sætan veitingastað, eftir að hafa séð ógeðslega töfff búð með gamlar myndavélar, m.a. Hasselblad... en hún var lokuð:( Veitingastaðirinn lá við síkið, á svona spes stétt sem liggur neðan við venjulegu stéttina... Þessar stéttir voru notaðar í gamladaga til þess að hlaða varningi af síkjunum til veitingastaðanna og búðanna sem voru svo á efri bakkanum. Núna eru þessar stéttar notaðar undir veitirngastaði. Við stéttirnar undir efristéttnunum eru svo eins og kjallarar sem núna eru veitingastaðir og aðstaða. Voða spes... Náttúrulega aðeins dýrara að borða þarna heldur en annarsstaðar í bænum... En já, við s.s. sátum úti undir beru lofti að borða á neðristéttinni vi síkið og það fór að rigna-hellidembirigna, með þrumum og alles... Helga og Pabbi voru ekki alveg nógu langt undir stóru sól/regn hlífinni svo að þau þurftu að borða með regnhlíf í annarri hönd...:D Svo fórum við á torgið við eina stóra kirkju og þar var verið að sýna Sound of Music í útíbíói:D Awesomeness segi ég því það var fullt af fólki sem sat á bekkjum og stóð þarna og allir sungu með lögunum og púuði á vonda kallinn og klöppuðu fyrir góða kallinum:D Rosa gaman:D Svo drifum við okkur, með aðeins betra kort í höndunum, í bílastæða húsið að sækja bílinn... Það var algert hössl að komast út... Við m.a. þurftum að snúa við rétt við útihliðið þar sem sjálfsalinn þar tók ekki við kortinu hennar Helgu og fara aftur upp á stæði til þess að labba svo í sjálfsalann fyrir framan innganginn fyrir þá sem eru fótgangandi og einhvernveginn leggja pening inn á eitthvað sérstakt kort sem Helga var með og þannig komast út aftur á áðurgreindum stað... Algert vesen... En já, við erum s.s. komin heim heil á höldnu og erum að fara að sofa. Á morgun verður dagurinn þar sem við gerum alla hlutina sem við eigum enn eftir að gera... S.s. fara á sögusafnið, gara í bátasiglingu um síkin og fara í búðir. Svo ætlum við að koma við í búð og ámarkaði að kaupa allskonar góðgæti og búa til Tapas:D namminamminamm:D
Kv. Jóhannatje:D

Smá ferðablogg

2009-07-17T14:33:00.003Z

Hæhó... Ég er búin að vera að túristast ein um Amsterdam þar sem Helga hefur ekki haft tíma til að vera með mér sökum anna í vinnu... Ég er búin að prófa öll kaffihúsin í Amsterdam og fundið þrjú sem bera fram kaffi að mínu skapi. Heita þau Teahouse, Coffee connection og coffeeSaloon. Svo er hægt að fá voða góðar beyglur á Bagels & Beans, en afar vont kaffi... Ég er búin að skoða Rikjsmuseum, þ.e. alla gömlu Hollensku meistarana s.s. Rembrant og Vermeer. Svo sá ég Van Gogh safnið í gegnum hausana á öðrum túristum og svo fór ég á Waterlooplein markaðinn. Ég hef verið að ferðast um Amsterdam á hjóli sem ég keypti þar sem það var miklu ódýrara að kaupa hjól heldur en að leigja. Þess vegna byrja allir á því að ávarpa mig á Hollensku af því að sæta hjóladruslan sem ég keypti mér er mjööög Hollensk í útliti... Í kvöld ætlar Helga systir að elda þriggja rétta gúrmei máltíð, að mér skilst, hehe, og svo förum við á Bjórstað sem heitir Gollum með Will, breskum vini þeirra og einhverjum vini hans. Gollum selur að mér skilst 100 tegundir af bjór... Daði fékk að ráða... Mamma og Pabbi koma á sunnudaginn:D Þau verða á bíl svo við ætlum að ferðast aðeins um Holland.

Amsterdam túristaklaufabárður

2009-07-13T21:46:00.003Z

Ok... Fyrsti alvöru túristadagurinn yfirstaðinn, þar sem allir hinir voru "máladagur", "Ikeadagur", "húsgagnasamsetningadagur", "þrífadagur", ... O.fl... Ég hjólaði alla leiðina niður í bæ alein, þar sem Helga var að vinna, frá uuubersuburbia staðnum sem Helga og Daði búa á, tekur ca. 30-40 mín. Lagði fyrir utan Rijksmuseum þar sem allar frægu Rembrant og Vermeer myndirnar eru og skoðaði það í ca. hálftíma, en þar sem það er verið að gera við stóran part af húsinu sem hýsir safnið var einungis partur safnsins opið. Svo gekk ég um miðbæjinn, sá m.a. gamlan róna með mesta hár sem ég hef séð spila á gítar, minnir mig, og öskra... Nei hann söng sko ekki... Öskraði... Efast um að hann hafi fengið mikið af klinki þessi:D Svo sá ég einnig mann reiða reiðhjól... Og já, Ökuníðingurinn í mér fær sko að njóta sín hér:D Ég er svo stórhættuleg á þessu hjóli mínu hér að það hálfa ætti að vera nó, en er það samt ekki:D:D Ég gekk s.s. um miðbæinn og spanderaði evrum á tvöföldu verði... Held ég;/ Keypti m.a. bók sem heitir Evil penguins... Svo á leiðinni heim eftir að hafa sötrað versta kaffi veraldar tókst mér að gleyma að pumpa í framdekkið, sem var orðið algerlega oftaust, þ.a.l. skemma það smá og því óhjólahæft. Þess vegna stoppaði ég einhverstaðar á leiðinni heim til að pumpa í dekkið til að skemma það ekki enn meira með því að reiða það heim... Á meðan ég pumpaði fór hjólið að halla ískyggilega og endaði með að plompa á næsta hjól, auðvitað á meðan eigandi hjólsins, kona um fertugt, horfði á, og kom því heimtaði að ég borgaði henni 15 evrur fyrir að hafa brotið einhverja plasthlíf á afturhjólinu hennar... Hún bauðst til að hjálpa mér að halda í hjólið á meðan ég pumpaði. Ég var með alls 3 evrur í veskinu mínu svo ég þurfti að ganga með henni að næsta hraðbanka, taka út pening og borga henni... Þegar ég rétti henni peninginn var ég farin að skjálfa sökum blöndu af smá hræðslu, pirringi og svengd. Svo labbaði ég heim. Það tók mig ca. einn og hálfan tíma og borðaði þar rúsínur og hnetur húðaðar með súkkulaði og as bókina sem ég keypti... Góða nótt:D

Emsterdem beibí:D

2009-07-03T22:24:00.002Z

Hjelló:D
Ég er í Amsterdam, eins og kannski einhver veit...:D
Síðustu þrjá daga erum við systir mín og Daði búin að vera á fullu í nýju íbúðinni að sparsla í veggina eftir lélegu verkamennina sem áttu að sjá um það, og pússa sparslið... Svo erum við búin að vera að grunna veggina fyrir málningu og svo loksins mála... Málningin sem við keyptum hét eitthvað "uni deck" eða eitthvað, var s.s. á svakalegu tilboði, og átti að "dekka" eða þekja með einni umferð... Við höfum hinsvegar þurft að fara tvær umferðir af málninguog á sumum stöðum þurft að mála þrjár vegna þess að gáfnaljósin sem byggðu blokkina sem íbúðin er í ákváðu að það væri rosalega sniðugt að hafa suma veggina úr ljósgrænum múrstein sem gerir það að verkum að hann sést extra vel í gegnum málninguna... Ætli við séum ekki búin með 2/3 af málningarverkinu. Við eigum eftir að kaupa parket og leggja á alla í búðina eins og hún leggur sig, nema baðið sem er nú þegar flísalagt(jess...) og þvottahúsið sem væntanlega verður lagt með einhverskonar vatnsþéttu gólfi. gluggarnir á íbúðinni eru fjandi stórir og ná alveg niður í jörð. Við Helga gerðum okkur glaðan morgun og fórum á beyglustað að fá okkur morgunmat:D mmmm namminamm:D Svo var unnið allan daginn þangað til um kvöldið um 7-8 leitið. Þá fórum við á kaffihús og fengum okkur rósavín og Daði fékk sér bjór... Ætli ég skrifi ekki meira seinna...:D
mmm ég fékk búðing áðan með kaffibragði:D

Dæmigert

2009-06-20T22:21:00.003Z

Endrum og eins þykir mér skemmtilegt að demba hugsunum mínum yfir á aðra... Í hvaða formi sem það er, hvort sem það er bara úti á götu á Klingonsku, í símann við einhvern ókunnugan, sérstaklega við Gallup fólkið... Svo skrifa ég stundum á bloggið mitt, hér þ.e.a.s. Yfirleitt skrifa ég bara eitthvað algert bull, bara svona til að skrifa eitthvað, róa hugann, segja sjálfri mér að ég hafi um nóg að skrifa og að líf mitt sé áhugavert, það áhugavert að ég ætti endilega að skrifa blogg um það... En akkurat núna er ég að skrifa algeran sannleik, allt sem kemur fram í þessu bloggi er sannleikur, hvort sem hann hjálpar lesendum eitthvað með eigið líf eða ekki skiptir ekki máli. Ekkert skiptir máli nema akkurat þetta blogg akkkurat núna. Ég er ekki að skrifa um það sem hefur skeð við mig í umheiminum, heldur skrifa ég mínar dýpstu hugsanir, þær sem fara fram innst í heilanum mínum, þær sem við yfirleitt vitum ekki að við hugsum. Þessar sem hafa áhrif á allt sem við gerum og vitum ekki einu sinni af því... Þær.... Já nákvæmlega, undirmeðvitundin... Eða hvað? Af því að við vitum að við höfum einhversskonar undirmeðvitund og að hún stjórnar, eða allavega reynir, af því að við treystum henni ekki alltaf, ekki nema að lógískt séð hafi hún rétt fyrir sér og við sjáum það auðveldlega... Stundum veit undirmeðvitundin betur og vill að við gerum það sem hún segir okkur að gera, en við bara föttum ekki hvað hún er að biðja okkur um að gera og þ.a.l. gerum við eitthvað annað. Kannski í staðinn fyrir að fá okkur ristað brauð með sultu eins og undirmeðvitundin segir okkur að gera þá fáum við okkur hafragraut... Svo þegar við komum við heim í kvöldmat, og gettu hvað er í matinn... Hafragrautur... "Og ég var að éta svoleiðis fyrir þrem klst"... Dæmigert?

nýtt:D

2009-06-15T22:35:00.001Z

Nýr hlekkur... finnst í "Nýjir hlekkir" og neðst í "utangarðsmunum"....
Útskýrist sem bloggsíða með fyndnum samtölum milli afgreiðslumanns og viðskiptavinar...

A.... Aahhh..... Ammmm.... Ammmssttt... Amsterdam...

2009-06-07T16:50:00.002Z

Ég flýg s.s. út til Amsterdam þann 1. júlí klukkan 07:55 um morguninn og lendi klukkan 12:55. Þar verð ég í 1-2 mánuði annað hvort að vinna eða að slæpast um og skemmta mér:D
Bara svo þið vitið það...

Hollenskur Hasselhoff

2009-05-20T23:25:00.002Z

Í júlí og ágúst verð ég ekki á landinu. Ég verð í Amsterdam að vinna á flottu kaffihúsi með góðu kaffi og frábæru samstarfsfólki og awesome viðskiptavinum. Það verður æðislegt veður og ég mun hjóla á fínu hjóli um Amsterdam á þægilegu hjóli í fierce outfitti og blaktandi hár í heitum vindinum. Svo förum við Helga á kaffihús á kvöldin, slöppum af og fáum okkur kokteil eða eitthvað mildara.
hmmm...
Í staðinn verður þetta svona... Ég kem til Amsterdam í júlí í viðbjóðslega heitu veðri, loftið mun lykta eins og gamall hampur og holræsi. Ég mun svitna eins og blautt viskustykki í enda uppvasks við að draga þungu ofhlöðnu og illa skipulögðu töskuna mína heim til Helgu. Ég fæ vonandi vinnu. Örugglega á kaffihúsi með skítuga expressóvél og mjólkurstút þakinn brenndri mjólk og samstarfsfólkið talar bara hollensku og þýsku. Viðskiptavinirnir vilja bara fá ofsoðna þurra froðu á einfalda latte með þreföldu sírópsskoti to-go drykkina sína, ef það má kalla drykki. Það verður annaðhvort of heitt til þess að lifa eða of kalt til þess að vera úti og hjólið sem ég þarf að leigja/kaupa dýrum dómum verður ryðgaður blikkhaugur með beygluðum hjólum og ónýtri bjöllu á. Hvern morgun, eftir sveittan hjólreiðatúr mun hárið mitt vera eins og loðinn rassinn á Hasselhoff og ég mun klæðast ljótum sveittum notuðum búning frá kaffihúsinu hvern dag. Á kvöldin verð ég of þreytt til þess að fara nokkuð. Og, já ég mun brenna í hársverðinum, á bringunni og á úlnliðunum...
jah...
Ætli millivegurinn sé ekki raunin:D
Þetta verður bara skemmtilegt.

Þeir skóf''ann upp með kíttispað'og sett'ann beint á Sjónmenjasafnið

2009-05-12T23:36:00.002Z

Ég er ansi hrædd um að ég geti talist innan þess hóps sem kallast Ökuníðingar...
Veit allavega að það verður ekkert mál fyrir mig að krækja mér í vinnu hjá Strætó.

Nýtt á Deviant art:D

2009-05-10T14:22:00.002Z

Hæ og hó:D Ég var að setja inn ný listaverk á deviant art síðuna mína:D Endilega kíkið. Ýtið hér til að skoða netgalleríið mitt:D

Já Eurovision...

2009-04-25T20:48:00.002Z

Lagið okkar: leiðinlegt, óspennandi, tilbreytingasnautt, ófrumlegt, gerir ekkert nýtt, alger sjálfstæðisflokkur...
Myndbandið: Ef þetta vídeó væri uppskrift af köku þá væru innihaldsefnin eftirfarandi: kandýflos, kökuskraut, hvítur, bleikur og ljósblár glassúr, flórsykur, og smá dass af væmni, hallæri og ófrumleika.

Frelsi

2009-03-29T17:49:00.002Z

FRJÁLS er ég. Bún að skila heimaprófinu og búin með allar ritgerðirnar og hitt heimaprófið... Ég er búin... búin með skriflega prófið og tek svo verklega bílprófið á föstudaginn... Búin og Frjáls:D Gleði og hamingja:D
Bara svona a láta ykkur vita...
Núna þarf ég bara að mæta í skólann og teikna og gera eitthvað skemmtilegt:D
BROSKALLABUNA :D ;D :oD >D :) :o) ;) ;o) (ö,)

burri

2009-03-18T14:38:00.002Z

Ég dreif mig loksins í bílprófið og skreið:D
Hamingja hamingja hamingja. Nú er bara verklegi hlutinn eftir...

Gott að ég er ekki dalmatíuhvolpur

2009-02-23T22:57:00.001Z

Ég sá í dag stóra mikla konu í stórum miklum pelsi horfa girndaraugum á hár mitt. Ég flýtti mér framhjá henni.

Vinnusögur helgarinnar

2009-02-22T18:34:00.003Z

Vinnuhelgin þessi hefur af sér getið fáeinar skemmtisögur...
Laugardagurinn:
Eins og kannski fáeinir hafa tekið eftir var mjög vindasamt á laugardaginn. Þar sem vindurinn stóð beint á stóru bronshurðina sem notur er fyrir kaffihúsagesti í þjóðminjasafninu fauk hún gjarnan upp og hleypti á okkur starfsmönnunum vindhviðum sem gerðu það að verkum að kaffikorgur fauk í augun á okkur og expressóbunurnar úr kaffivélinni fuku út um allt. Því ákváðum við að nú væri tímabært að læsa hurðinni og setja upp skilti báðum megin hurðar þess efnis að viðskiptavinir væru vinsamlegast beðnir um að nota aðalinnganginn að safninu til inn- og útferðar. Einhver ólæs(það hlýtur að vera) kona í síðri svartri peysu ákvað að hunsa skiltir og stalst út um stóru bronshurðina og þurfti til þess að ganga framhjá skiltinu, snúa lásnum og ýta með miklum krafti á hurðina til þess að skjótast út, en þar sem karmað kom aftan að henni festist peysan hennar á milli dyrakarmsins og hurðarinnar og hurðin að sjálfsögðu læstist á eftir henni. Ef ég væri ekki svona góð í mér hefði ég sökum pirrelsis leyft henni að dúsa þarna föst þar til hún fattaði að klæða sig úr peysunni, hlaupa inn um aðalinnganginn og opna stóru bronshurðina aftir til þess að losa um peysuna. En hún litla góða ég opnaði hurðina fyrir hana og hleypti henni í burtu...
Sunnudagur:
Ung bandarísk kona kom til okkar í dag. Hún byrjaði á að segja:,,Hiiii, how are youuuu?"... Ég svaraði með frekar tregum rómi,:,, Eh, just fine...." Svo var hún endalaust að þakka mér og segja :,,Oh my god,thank you sooo much". Þetta var næstum því verra en ofurdónalegur vinskiptavinur... Hún kom bókstaflega framvið mig eins og ég væri þroskahefti krakkinn á leikskólanum...

.

2009-02-21T19:59:00.003Z

Þetta var sko vondur dagur...
Ég hefði getað hannað hann mikið betur...

Minimalismi

2009-02-20T19:14:00.002Z

Hambó í kvöldmatinn

2009-02-01T19:06:00.003Z

Fokk... óverdós af súkkulaði... Æl...
Ég og foreldrar mínir ætluðum að skoða sýninguna í 101 gallerí á Hverfisgötu, en þar sem það er sunnudagur var allt lok lok og læs. Við skoðuðum þessi litríku verk Davíðs Arnars í gegnum gluggann, en þar sem verkin eru í raun byggð upp af miklum smáatriðum náðum við ekki alveg réttum fílíng. Maður verður bara að sjá þetta seinna... Þar á eftir skruppum við á Kjarvalsstaði og skoðuðum bæði taflsýninguna og Kjarvalsýninguna(sem er nú öðruvísi en venjulega, því allt sem þeir eiga eftir Kjarval hefur nú verið sett á veggina og eru þeir því þaktir teikningum og málverkum). Hefði reyndar frekar viljað haft tíma til að skoða betur taflsýninguna... Þarna voru allskonar gerðir af taflborðum í ýmsum samhengjum. Eftir að hafa gengið í gegnum Kjarvalssýninguna skelltum við okkur á kaffi og súkkulaðiköku sem kallaði nú ekki allt ömmu sína. Þar á eftir kíktum við í heimsókn til Önnu og Jóa, vinafólks okkar, og var hún Anna, ásamt Rut dóttur sinni, nýbúin að baka súkkulaðibombutertu(sem myndi ekki einu sinni kalla hina súkkulaðitertuna ömmu sína) sem við að sjálfsögðu skeyttum ekki hendinni á móti... Ég meina, það eru nú einu sinni sveltandi börn í Mósambík... En já, eftir kökusneiðina var ekki aftur snúið því maginn í mér er enn að reyna að melta herlegheitin á meðan hann dansar tangódans við þindina... Það veit ég fyrir víst að það þarf tvo í tangó... Plöööööhhggghhh

Ása hin óheppna

2009-01-18T15:44:00.002Z

Ása fór út
át þar snjó
orma fékk í augað
átu þeir það.
Blind varð hún blessunin
birtu enga sá
eða myrkur ei meir
með öðru auga þá.
Hitt augað hægra
hélst óskemmt
þar til vinur hennar Þráinn
þeytti í það stein
með teygjubyssutækni
týnd var henn' öll sjón.
Leidd' hann hana heim
háskalegan stíg
hún féll um trjágrein flöt
fjarska varð hún reið
Klambraði á kné sér
kastaði burt stein
sem hitti hreysikött
í hasti að henni æddi
beit hana á barkann
blóð úr henni lak.
Þráinn sá í snatri
og um sárið gerði vel
hélt á henni heim
hundurinn kom á móti
gelti á hann og gjammaði
gestir voru ei velkomnir.
Þráinn hörfaði hratt
hraut um litla þúfu
féll um eigin fót
fyrst á hana Ásu
handlegg hennar braut
höfuð Þráins lenti
á stæðilegum stein
styrndi fyrir augum
og missti meðvitund.
Á meðan þessu stóð
hundurinn hana Ásu
hafði samstundis þekkt
þrátt fyrir þennan útgang
þeysti henni að.
Dró hana að dyrum
dámikla vegalengd.
Öskraði hún og emjaði
og eymslin kenndi vel.
Þar til ekkert var eftir
af Ásu nema beinagrind.
Gelti þar og gólaði
,,í garðinum lægi Ása".
Út komu þá æst
alvarleg á brún
foreldrar Ásu og frænka
frændsystkin og mág.
Helltu sér yfir hundinn
,,hunskastu burt"
gelta skyld' eigi og góla
meðan gestir væru þar.
Hefur ekki hundurinn
haft þá með sér nú
eina ferðina enn
eintómar fatatægjur
og verðlaust beinarusl?

Litla monsterið okkar mömmu

2009-01-15T19:22:00.001Z

Sú kunna iðja að stanga snaga með auganu er velliðin iðja innan Einarsson fjölskyldunnar. Þegar hafa tveir fjölskyldumeðlimir framkvæmt þennan verknað og hlotið góðan árangur, þó síðari aðilinn, faðirinn, sýndi í vikunni, í þeirri íþrótt mikla yfirburði í tækni og stíl, með eftirfarandi árangri.

Myndin fyrir ofan er tekinað kveldi hins umrædda dag sem stangið átti sér stað.
Myndin að neðan er er tekin í kvöld, u.þ.b. þrem dögum eftir afrekið.

Það verður að segjast að faðir vor er sérstaklega hæfileikaríkur í íþrótt þessari og er þess líklegast stutt að bíða eftir að afrek þessi komist á spjöld sögunnar, þar sem fáir teldust fimari en hann:D

Teikn blómapottsins

2009-01-08T19:19:00.003Z

Í skólanum erum við í hópavinnu með hinum ýmsu deildum Listaháskólans. Þarna voru settir saman tíu hópar og allir hafa einn leiðbeinanda sem er þekktur listamaður á sínu sviði. Í öllum hópunum eru myndlistanemar, tónlistarnemi, fatahönnunarnemar, grafískir hönnunarnemar og arkitektúrnemar. Alls erum við tólf í hverjum hóp. Á hverjum morgni heldur hver leiðbeinandi fyrirlestur niðri í Sölvhólsgötu(rétt hjá þjóðleikhúsinu) og svo fara allir í sína stofu eftir því í hvaða húsi þeir eiga vera (við, og fleiri erum í Laugarnesi, einhverjir eru í Sölvhólsgötu og svo eru einhverjir í Skipholti). Okkar leiðbeinandi heitir Einar Garibaldi.

Þrettándinn fyrir mér var einstaklegur óhappadagur í lífi mínu. Svo var með mál í vexti að ég byrjaði morguninn um sjöleitið að brjóta blómapott. Hann að sjálfsögðu lenti á gólfinu í nokkrum molum og mold úti um allt. Þar sem ég var að flýta mér að ná strætó bauðst móðir mín góð til þess að þrífa upp eftir hrakfallabálkinn sinn. Í annarri tilraun minni til þess að flýta mér. var ég að ná í einhverja flík úr fataskápnum áður en ég þyrfti að haska mér út í strætóskýli. Þá tókst mér með einhverjum óskiljanlegum hætti að skella skáphurðinni í andlitið mitt. Á þessu augnabliki sem skáphurðin flattu út kinn mína varð mér ljóst að þessu dagur yrði allt annað en góður dagur. Ég komst í strætó í tæka tíð, mér til mikillar undrunar, því ég átti von á því að strætó keyrði framhjá mér á hverri stundu þar sem ég gekk út í skýli. Ég missti heldur ekki af fyrirlestrinum í Sölvhólsgötu og var orðin bara sátt við svo fá óhappastrik á svo löngum tíma. Eftir fyrirlesturinn flýtti ég mér í húsið á Laugarnesvegi með hjálp strætós og var komin í tæka tíð nema hvað þegar ég var komin í stofuna okkar var þar enginn. Þá rifjaðist upp fyrir mér þau fyrirmæli kennarans daginn áður að við skyldum verða eftir í Sölvhóli og skoða vistarverur tónlistanemans í hópnum okkar. Ég tók ákvörðun um að hitta hópinn minn í Skipholti og fór út í strætóskýli. Svo þegar tíu mínútur voru í það að strætó ætti að koma fannst mér það ekki taka því að fara þangað uppeftir þar sem ég myndi mjög líklega koma um leið og þau væru að fara upp í Laugarnes, svo ég ákvað að bíða bara eftir hópnum mínum í Laugarnesi og dunda mér í tölvunum eða eitthvað. Ég beið og beið, ekkert bólaði á fólkinu, tölvurnar voru í ólagi og ég beið þar til klukkan var orðin 12. Þá var skóladeginum lokið og ég flýtti mér heim. Klukkan hálftvö átti ég að mæta hjá sjúkraþjálfaranum og ég átti eftir að fara heim og sækja íþróttafötin(ekki er hægt að teygja á fótum manneskju sem klæðist gallabuxum og ég ætlaði mér ekki að klæðast nærbuxunum einum saman...) Þegar ég var komin á Hlemm rann upp fyrir mér að ég myndi ekki ná því að komast heim með ellevunni og ná í dótið þar sem ég þyrfti að taka sömu ellevu aftur niður á Lækjartorg til þess að ná fjórtán og niður í Héðinshús í Sjúkraþjálfun Reykjavíkur. Eina lausnin var að taka þrettán langleiðina heim og labba(haltra) þennan kílómeter á ca. korteri til þess að geta náð ellevunni sem þá mætti. Með miklum erfiðismunum náði ég þessu en ég var mjög máttfarin er ég komst inn í ellevuna og hugsaði alla strætóferðina niður í Héðinshús að ég væri að missa af strætó, þó engin hætta væri á því nú.

Jóga

2009-01-04T17:20:00.002Z

Ég hlusta á rólega hljóðin í kringum mig.
Þau dansa á húð minni og dynja á hlustinni.
Ég svíf innan líkama míns
ligg á gólfinu
og finn líkamann lyftast upp frá gólfinu
án þess að hreyfast.
Loka augunum
ímynda mér,
hugsa mér,
velti fyrir mér,
hvernig ljósið skín í gegnum augnlokin
svo þokukennt,
hvernig það kitlar andlitið án snertingar.

People are strange

2008-12-29T19:05:00.003Z

Leiðbeiningar:
1. Settu iPodinn, iTunes, (eitthvað tónlistarforrit...) á Random/shuffle...
2. Ýttu á "next" takkann til að fá svar við eftirfarandi spurningum.
3. ÞÚ VERÐUR AÐ SKRIFA NIÐUR NAFNIÐ Á LAGINU SEM KEMUR, HVERSU ILLA SEM ÞAÐ PASSAR VIÐ SPURNINGUNA.

1. IF SOMEONE SAYS "IS THIS OKAY?" YOU SAY?
2 birds(Mugison)

2. HOW WOULD YOU DESCRIBE YOURSELF?
Twisted logic(Coldplay) eiginlega satt samt...

3. WHAT DO YOU LOOK FOR IN A GUY/GIRL?
O Pamela(Nouvelle Vague útgáfan...) haha Anderson...

4. HOW DO YOU FEEL TODAY?
My little town(Simon & Garfunkel) lalala:D

5. WHAT IS YOUR LIFE PURPOSE?
The first cut is the deepest(Cat Stevens) masókisti, that's me...

6. WHAT IS YOUR MOTTO?
Shiver(Coldplay) Fíla kulda... ójá.

7. WHAT DO YOUR FRIENDS THINK OF YOU?
Merman(Emiliana Torrini) í köldum sjónum

8. WHAT DO YOUR PARENDS THINK OF YOU?
White Light(Gorillaz) Ég skín eins og stjarna:D

9. WHAT DO YOU THINK OF A LOT?
Orgullecida(Buena Vista Social Club) Ef ég bara vissi hvað þetta þýddi, og nennti að tékka á
Babelfish...

10. WHAT DO YOU THINK OF YOUR BEST FRIEND?
For me and my Gal(nafn söngvara ekki getið)

11. WHAT DO YOU THINK OF THE PERSON YOU LIKE?
L'Amour Parfait(Cali) Sætti mig ekki við neitt minna.

12. WHAT IS YOUR LIFE STORY?
Play dead(Björk) nenni ekki að hlaupa...

13. WHAT DO YOU WANT TO DO WHEN YOU GROW UP?
J'm'en fous pas mal(Edit Piaf)

14. WHAT DO YOU THINK WHEN YOU SEE THE PERSON YOU LIKE?
Here I am(Lay Low) Ekki horfa undan.

15. WHAT WILL YOU DANCE TO AT YOUR WEDDING?
Your heart is an empty room(Death cab for cutie) viðeigandi...

16. WHAT IS YOUR HOBBY/INTEREST?
Blue eyed pop(Sykurmolarnir/Sugarcubes)

17. WHAT IS YOUR BIGGEST FEAR?
Carnival Town(Norah Jones) sjúkt krípí staður skal ég segja þér...

18. WHAT IS YOUR BIGGEST SECRET?
The tallest man, the broadest shoulders: Pt. 1: The great frontier/Pt. ...(Sufjan Stevens) Ekki
segja neinum...

19. WHAT DO YOU THINK OF YOUR FRIENDS?
Satan's Saxophones(Sufjan Stevens) Þetta hefði reyndar verið fyndið sem svar við eiginlega hverju sem er...

20. SONG THEY WILL PLAY AT YOUR FUNERAL.
Les Fleurs(Ridan)

21. WHAT WILL YOU POST THIS AT?
People are strange(The Doors)

Sigga litla systir mín...

2008-12-28T21:45:00.003Z

Með hvítar slettur í hárinu og brún, drullug hné mætti halda að ég ynni fyrir mér sem ódýr þerna næturinnar en nei, ég er einungis útötuð rjómaklessum og kaffikorgi.

Gleðileg jól

2008-12-22T21:24:00.003Z

Á miðvikudaginn:D

Composition 1

2008-12-18T21:16:00.002Z

Ég get ekki beðið eftir að opna 2009 dagatalið mitt sem inniheldur 12 prent eftir Hokusai... Ég get heldur ekki beðið eftir því að sjá fjölskyldu mína á morgun og hinn. Pabbi kemur á morgun eftir 4 mánaða "útlegð" í Argentínu og Úrúgvæ, Helga og Daði koma á laugardaginn og Svansa, Halli, Rakel og Ísabella koma líka á laugardaginn.

Á sunnudaginn kl 20:00 verður kyrrðarstund/tónleikar með kórnum mínum í Lindakirkju (í kópavoginum...). Kirkjan er ekki fullbyggð þannig að það gæti orðið smá kalt þarna. Það verða bara fullt af kertum og kósýheit. Við syngjum einhver 4-5 lög og á milli verður saga aðventukertanna lesin upp. Það kostar ekkert inn og við viljum fá að sjá sem flesta:D

Mjá...

Sleiktu á þér olnbogann

2008-12-06T23:13:00.003Z

Mjá, tónleikarnir gengu ágætlega í gær að undanskildu atvikinu þegar allir kórarnir gleymdu að syngja úúú (nema einhverjir fjórir, þar með talin ég...) á meðan Regína Ósk söng eitthvað erindi í Silver Bells...
Ég er næstum búin að kaupa allar jólagjafirnar:D
Ég er búin að taka 1/1 jólaprófið... Svo er að sjá hversu mikil eða lítil áhrif þessar 3x600mg Íbúfen höfðu á skrifgetu mína.
Ég fór á föstudaginn í bókasafnið í skólanum og valdi e-r þrjár bækur um Land art svo maður geti farið að drífa þessari ritgerð af sem á að skila á mánudaginn. Þegar ég kom á afgreiðsluborðið skoðaði bókasafnsvörðurinn bækurnar og sagði:"Veistu ég veit um alveg slatta af listamönnum sem vinna í Land art" og dró mig að bókahillunum. Þegar bókasafnsferðinni var lokið rétt stóð ég úti í strætóskýli á háum hælum(veit ekki hvernig ég komst þangað, ég þurfti að staulast yfir einhvern móa) með stóra þunga tösku á annarri öxlinni og með tvo stóra hvíta poka í sinni hvorri höndinni með ca. fjórum 2 kílóa bókum ofan í, að hlusta á geðveikt rólegt lag með Ninu Simone.

Tilvitnun vikunnar:"Bíddu, Van Gogh? Er það ekki sá sem beit af sér eyrað?"... Og svo dó ég úr hlátri við tilhugsunina.

Amsterdam

2008-11-30T21:13:00.000Z

Þegar ég fer að búa þá langar mig í svona sófaborð(þetta eru tvö sófaborð. svart og glært).

Hér er laufalaust tré rétt fyrir utan Önnu Frank safnið. Safnið var áhugavert og það var gaman að skoða. Þarna voru stutt vídeo og textar á veggjunum bæði upp úr dagbókinni hennar og fleira... Maður fékk líka smá skilning á því hvernig húsakynnin voru þegar þau voru í felum.

Þessi mynd er tekin rétt hjá Rauða/Kína-hverfinu. Falleg birtan:D

Þessi er tekin hinum-megin við brúna sem ég sóð á þegar ég tók hina myndina

Ég nýt ásta með bólgueyðandi

2008-11-22T22:00:00.002Z

Heilsu minni hefur hrakað snarlega síðustu daga. Ætli hreyfingtaleysi sé ekki um að kenna? Eins og fram hefur komið þá hefur bakverkur hrjáð mig um stund og hef ég gengið til sjúkraþjálfara í þrjú skipti. Hann hefur varað mig við hættunni á því "að sitja í rækjunni"og það er líkingarmál sem ég hef einsett mér í að koma í málshátt eða spakmæli á einhvern hátt, helst í einhverri annarri merkingu en upphaflega var átt við. Kannski ég skrifi bara bók... Hver veit? Kannski ég hringi bara í útvarið og vari ráðamenn þjóðarinnar við því að sitja í rækjunni... Hún gæti kafnað... Góðu fréttinar sem ég fékk frá sjúkó voru þær að ég þjáist ekki af brjósklosi heldur bólgum í brjóski milli L1 og L2, sem ég geri ráð fyrir að séu hryggjaliðir. Slæmu fréttirnar sem sjúki sagði í seinasta tíma eru þær að ég er verr haldin en ég læt líta út fyrir að vera, ég er s.s. trukkur sem finnur ekki sársauka... Ég ætti kannski að fara að stunda það að fæða börn fyrir viðkvæmar mæður...
Svo af því að það er svo móðins eitthvað þá ákvað ég að láta rífa úr mér tvær tennur... Þar sem ég er með sjúklega lítinn munn og huges tennur þá var víst ekki pláss fyrir alla þessa endajaxla sem voru að þrengja sér upp á yfirborðið í gómnum mínum svo égt ákvað að "dóneita" a.m.k. tvo endajaxla eða svo til góðgerðamála Tannblætissjúklinga. Þar af leiðandi er ég með tvö göt í gómnum, vinstramegin í efrigóm og hægramegin í neðrigóm. Sökum þessa er mér illt í kjálkanum og á erfitt með að opna munninn upp á gátt.
600 mg Íbúfen er því besti vinur minn í augnablikinu:D

Smá pólitískt blogg...

2008-11-12T18:11:00.002Z

Nú hefur ímynd íslenskrar alþýðu beðið álitshnekki vegna samskipta Darlings, Browns og íslenskra ráðamanna.

Só?
Vildi virkilega einhver hafa þessa gömlu ímynd á sér um að Íslendingar upp til hópa væri álfar, huldufólk og tröll eða víkingar? Vildi einhver að eina atvinnugrein þéttbýliskjarna úti á landi væri staðsett í álverum? Vildi einhver að allir héldu að allir íslendingar með tölu væru með hver í bakgarðinum og böðuðu sig þar?

Ég segi: Byggjum okkur upp ímynd sem segir að yfirvöld hér séu óspillt, að skynsamlegir stjórnanhættir ríki hér og eftirlit sé með því hvernig fjárhagsleg aðstaða landsins er í raun, en ekki sé treyst á það hvað einhverjir auðmenn, sem greinilega ekkert vit hafa, segja. Að hér hafi allir möguleika á því að lifa sómasamlegu lífi burtséðfrá hvaða vinnu þeir taka sér fyrir hendur. Ræstitæknirinn á alveg jafnmikinn rétt á því að hafa barnið sitt á leikskóla og bankastjórinn... Að hér sé sanngjörn skattlagning, og að þegar hækka þarf skatta tímabundið þá sé það gert hjá þeim sem mest mega við því. Að hér sé almenningur upplýstur um ástand þjóðar áður en allt fer í fokk....

Slettunauðgun

2008-11-12T16:33:00.005Z

Gaaa... Af hverju notar fólk íslenskuð enskuslettuorð í fræðilegum fyrirlestrum í stað góðra og gildra íslenskra orða, sem bera í sér sömu andskotans merkingu og ljótu sletturnar? Jafnvel gæti ég tekið betur á móti enskum upprunalegum orðum frekar en illu slettunum...
Dæmi... Orðið "sítasjón" sem margir listfræðingar nota... Í mínum huga hljómar íslenskaða slettan eins og "situation"(ástand) á ensku, en neii, þetta er notað yfir orðið tilvitnun, sem er mjög gott og gilt íslenskt orð sem nær fullkomlega yfir merkingu orðsins "citation" sem "sítasjón" ógeðið er komið af... Og ef þú ert á móti því að nota íslensk hugtök, kannski vegna þess að þú veist ekki hvað þau þýða, þá endilega notaðu orðið "citation" (borið fram sÆtEIsjun), mér finnst mér ekki vera eins mikið munnlega nauðgað við þess konar slettunotkun....
Svona loddaraskapur leiðir einungis til misskilnings...

Andlist

2008-11-10T18:39:00.004Z

Hún stóð fyrir framan spegilinn
og klíndi fínu kremi úr sérhannaðri dollu framan í sig.
Kremið rann léttilega milli fingranna og húðarinnar
og hún nuddaði andlitið þangað til að hún var orðin stöm,
þá setti hún meira á fingurna og bar í andlitið.
Hún bar á ennið, kinnarnar, hökuna, Tsvæðið, kringum munninn,
mmm, þetta var eins og silki.
Augnalokin, augnkrókana, hvítuna, lithimnuna, augasteininn,
og svo var svo góð lykt af þessu.
Varirnar, tennurnar, tunguna, úfinn, kokið, barkann,
þetta bragðaðist svo vel.
Nefið, nefhárin, nefholið, kremið blandaðist slíminu og horinu
og hún hnerraði.
Svo grét hún kekkjóttum tárum
sem lyktuðu svo vel, brögðuðust svo dásamlega og voru eins og silki viðkomu.
Hún grét svo mikið og lengi að klukkutímar urðu dagar, sem urðu að vikum. Hendur hennar visnuðu og þornuðu, hár hennar varð stökkt og þurrt og kremið úr krukkunni kláraðist. Andlitið var hins vegar eins og fegursti gimsteinn, skínandi, ljómandi, vellyktandi og eins og silki.
Mánuður leið og loks fannst hún látin inni í íbúð sinni, alein með tóma kremdollu í vinstri hönd.
Í kistunni liggur gimsteinn, fegurri en nokkuð annað sem nokkur hefur séð, en aldrei verður hann skart.

yfirlit

2008-11-10T18:29:00.002Z

Hafiði reynt við krossgátuna(eða bara skoðað) sem kemur í morgunblaðinu á sunnudögum? Vitiði hvernig hún virkar, ég get aldrei neitt af orðunum, allar vísbendingarnar eru bara eitthvað kjaftæði... Er eitthvað trikk við þetta eða er ég bara svona vitlaus?

Fuss og svei, Ute Mahler, ljósmyndarinn sem tók mynd af mér á kringlubílastæðinu fyrr í vetur, er ekki enn búin að senda mér afrit af mynd... Ja svei hehe

Ég þarf að fara til sjúkraþjálfara, heimilislæknirinn segir það:( Allt út af bakverkinum um daginn, þetta var víst ekki bara venjulegt þursabit, ég fékk verk út í fótinn. Ég mæti í fyrsta tímann á föstudaginn. Oh, það fer alltaf allt til fjandans rétt fyrir jól, fjármálin(jeij, það verður gaman að spara í Amsterdam), frystiskápurinn og svo bakið...

Ég var að baka aðra smákökusort, helst vegna þess að hin sem ég bakaði um daginn er búin...

-

2008-10-27T16:08:00.002Z

Ég fyrirfram afsaka allar innsláttarvilur þar sem vísifingur vinstri handar er laskaður eftir illa meðferð við gerð dúkristu.
Þessi helgi var afar viðburðarík. Á laugardagskvöldið(tíhí laugarkvöldið...) fórum vér nafna í partý til Steinunnar bekkjarsystur. Ég sýndi smá elegans og mætti með hvítvínsflösku, og sötraði eins og fín dama á meðan ég hélt uppi gáfulegum samræðum við sessunauti mína í stofunni, allt þar til artý liðið fór allt fram í eldhús(tek það fram að þetta er ca 60 fermetra íbúð) og rúllaði sér upp ungfrú jónu eða tveim. Þegar reymökkurinn steig yfir í stofuna fór allt að verða rosalega fyndið og maður fór að finna rosalega mikið fyrir andlitinu eitthvað, en allur líkaminn varð svona dofinn. Já fyrsta skiptið sem ég finn eitthvað á mér þá er það af einhverju allt öðru en áfengi. Fjandans óbeinu reykingar... Allar samræður eftir það báru vott af smá fáránleika...
Þegar ég kom heim var mamma að horfa á sjónvarpið og ég ætlaði að láta sem ekkert væri og labbaði í dyragættina á sjónvarpsherberginu og sagði bara góða nótt, mamma spurði strax hvort ég væri drukkin og hvort ég vildi ælufötu... En það var svosum allt í lagi með mig, mér fannst ég bara eitthvað svo asnaleg.
Í gær fór ég svo með henni mömmu minni á tónleika í Gerðubergi. Við mættum eftir fyrsta hlé, eða þegar klst var búinn af þeim og vorum þarna í þrjá klst. Þetta var rosalegt... en mjög gaman samt, þetta var dagur raddarinnar og það sem stó uppúr var þegar einhverjir 9 karlar tókufimmundasöng, sjúklega flott:D

Dagarnir á undan þessum degi

2008-10-14T19:24:00.003Z

Á sunnudaginn um eittleitið var ég niðri í forstofu að klæða mig í skóna mína, háu svörtu hlýju stígvélin mín. Ég var á leiðinni í aukakóræfingu í Grensáskirkju hvar kórinn ætlaði að taka upp fáein lög fyrir geisladisk sem við erum að útbúa. Þegar ég var hálfnuð við að toga seinna stígvélið upp vinstri fótinn kom Þurs aftan að mér og beit mig. Hvílíkur sársauki, en þar sem ég er hörð stelpa harkaði ég af mér og fór með strætó í Grensáskirkju. Við stóðum upprétt afar lengi til þess að fá sem bestan hljóm fyrir upptökutækin og milli upptaka settist ég niður eða lagðist á gólfið þar sem mér var nú enn illt í bakinu. Ég hef áður fengið svona Þursabit og yfirleitt hefur þetta lagast yfir daginn og ég er oftast góð um kvöldið. Þar sem ég var að reyna mikið á mjóbakið við að standa svona í fjóra klst þá var mér orðið frekar illt í bakinu við enda æfingarinnar. Ég treysti mér ekki til þess að fara heim í strætó svo ég sníkti far með einni í kórnum. Ég staulaðist þá, þó á mjög þokkafullan hátt, upp í risastóran Mussojeppann hennar og hún skutlaði mér heim, hún bauð mér meira að segja að koma og borða með þeim en ég afþakkaði pent, hefði líklegast endað með því að gista hjá þeim grátandi uppi í rúmi af sársauka(eða uppdópuð og ælandi). Þegar heim var komið staulaðist ég upp á efri hæðina og horfði á vídjó og borðaði kvöldmatinn, kanilsnúð og rúnstykki með skinu og osti keypt í bakaríinu hjá kirkjunni. Eftir það sótti ég mér hitapúða og lagðist upp í rúm með hitapúðann á hæstu stillingu undir bakinu. Ég stillti vekjaraklukkuna í símanum því ég hélt mér myndi batna um nóttina. en ónei, þegar ég vaknaði um morguninn kl 06:30 fann ég að ég þyrfti að vera heima því sársaukinn hafði ekkert lagast, heldur frekar versnað ef eitthvað var. Ég fór aftur að sofa, vaknaði kl átta og hringdi svo upp í skóla til að tilkynna mig veika. Svo fór ég aftur að sofa með hitapúðann góða á aðeins minni hita vegna þess að ég var farin að finna lykt af brenndu holdi... haha... Um tólfleitið var ég orðin mjög svöng og farin að vorkenna sjálfri mér mikið, ég neita ekki að fáein tár hafi fallið, með tilheyrandi grenjusvipbrigðum og maskaraklessum. Þá heftaði ég í mig kjark til þess að klaufast niður á neðri hæðina í leit að mat og verkjalyfjum. Þá hringdi síminn, þetta var hún mamma mín í Argentínu að athuga hvernig ég hefði það þarna alein heima með engann til að gantast í nema sjálfa mig. Ég grenjaði smá í símann og kvartaði undan Þursabitinu og verkjunum og hún fór að hafa áhyggjur af mér, ég skildi ekki einu sinni sjálf hvað ég var að segja því ég vældi svo mikið. Hún sagðist ætla að hringja aftur eftir klst og athuga hvernig mér liði þá. Ég fékk mér jógúrt og þrjár 400 mg íbúfen og togaði mig aftur upp á efri hæðina og lagðist í lyfjadá með símann í hönd. Svo rankaði ég aftur við mér, fór á stjá og mamma hringdi. Ég sagði að mér liði betur, í lyfjamóki haha, og að ég gæti gengið smá. Ég gat um kvöldið hitað upp afganginn af takkóinu sem ég hafði eldað á laugardeginum og horfði á slæma slæma sorpkvikmynd sem ég treysti mér ekki til þess að nefna hér á nafn, þér gætuð misst álit á mér... Svo tók ég fáeinar fleiri verkjatöflur, íbúfen og parataps, og lúllaði með hitapúðann góða. Í morgun leið mér nógu vel til þess að fara í skólann og ég held ég hafi skorað nokkur kúlstig hjá ljósmyndakennaranum með því að koma með ævaforna filmumyndavél í skólann...

smá póstur

2008-09-25T19:11:00.002Z

Amsterdam í enda nóvember:D:D:D

Í skólanum erum við í Kúrs sem heitir "Leiðir" og kenndur er af Ransu(málari) og Eirúnu(er í gjörningaklúbbnum). Núna í þriðju viku kúrsins erum við eiginlega frjáls, nema við eigum helst að vinna þrívítt í eða í gjörningum/vídjóverkum. Höfum við Jóhönnurnar og Anna Kasper ákveðið að fara út í hópvinnu. Við erum búnar að gera afsteypu af andlitum okkar í gifs og grisju og ætlum að sparsla þessar grímur á masónítplötur. Svo ætlum við að pússa þetta til helvítis og spreyja með speglalakki... Þá er eins og við séum að koma út úr speglinum:D Vá hvað það er gaman að búa til svona grímur og þær verða svo flottar, ef maður vandar sig... Ég ætla klárlega að biðja þær um að gera aðra grímu af mér sem ég get tekið með mér heim.

Sálarveður

2008-09-12T20:33:00.003Z

Óveður í huga mínum.
Ég verð léttari en fjöður,
óstöðug og flöktandi.
Lognið róar mig og styrkir,
og rífur burt húðurkarlana á baki mínu
sem mynduðust þegar regnið svæfði vitund mína.

Klaufar veraldar sameinist

2008-09-09T22:54:00.002Z

Fyrsta klaufaathöfnin átti sér staðí gær þegar ég keypti ávart forljótar sokkabuxur sem láta fætur mína fagra líta út fyrir að vera sjúkir af krabbameini.
En fyrsta klaufastrikið í dag var eldsnemma í morgun. Það átti sér stað þegar ég gekk morgunhress, eins og ávallt, út úr strætó. Vegna þess að það rigndi ákvað ég að taka af mér trefilinn og vefja hnum utanum höfuðið svo hárið bleyttist sem minnst og fann út að það sparaði tíma að gera þetta á meðan ég gengi út úr strætó og sökum ákvarðanatöku minnar gekk ég á strætóstaurinn við hliðina á strætó. Ég meiddi mig bara í olnboganum en skiltið var tveim millimetrum frá mér, beint á milli augnanna. Og allir, mín megin, í strætó horfðu á mig og glottu.
Önnur klaufaaðgerð var framkvæmd einhverstaðar í grasinu á milli strætóskýlisins og skólans þar sem ég hrasaði næstum um sjálfa mig.
Sú þriðja fór fram í smáralindinni í Zöru nánar tiltekið. Ég var að skoða fagra skó í rekkunum á bak við afgreiðsluborðið og þurfti að beygja mig niður til þess að ganga frá skónum. við þá athöfn náði ég að reka beinið sem er einum millimetra fyrir neðan vinstra auga mjög harkalega í einhverskonar staut sem stóð út úr veggnum. Ég að sjálfu sögðu gargaði "fookk áts" og hélt fyrir augað á meðan Jóhanna nafna spurði mig mjög skelkuð í framan hvort ég væri ekki örugglega ennþá með auga... Það kom smá skurður en annars er í lagi með mig. Ég sé á morgun hvort glóði geri nokkuð vart við sig...

Berjamó og Mammút

2008-09-06T18:19:00.003Z

Í gær varð loksins eitthvað úr nýnemaferðinni sem aflýst var um daginn. Við fórum í eina stóra ferð með öllum árgöngunum. fyrst var haldið til Þjórsár rétt við Selfoss og skoðuðum við rústir (veiðistöð) frá ca 1200. Fornleifafræðingurinn sem talaði við okkur sagðist fyrst hafa haldið þetta væru rústir frá Landnámsöld og að flestir fornleiafræðingar hefðu haldið það sama, en svo endurskoðaði hann mat sitt og sá ljósið haha. Hann talaði um öskulög og skemmtilegheit:D Svo sýndi hann okkur gripi sum fundust höfðu í húsinu/rústunum og sýndi okkur stein með gati í og spurði hópinn hvað við héldum að þetta væri. Það vissi það enginn, svo hann gaf okkur vísbendingu um að hluturinn tengdist staðnum og þeim verkum sem gerð voru þar og þá giskaði ég að þetta væri einhverskonar veiðihlutur, og þar giskaði ég rétt. Hann spurði svo hvaða veiðihlutur þetta væri og ég giskaði aftur hvort þetta væri sökka(sagði reyndar sökkull þar sem ég þjáist af orðakynblöndun) og hann sagði að ég hefði hitt naglann beint í höfuðið. Hann sagði að hluturinn gæti reyndar einnig verið eitthvað annað sem ég man ekki nafnið á, en hann sagðist halda að þetta væri sakka frekar. Það er alltaf gaman að segja fólki hversu klár maður er:D Þá héldum við í Berjamó í Krísuvík og þar tíndi ég heila flösku af bláberjum, ég notaði bara það sem hendi var næst:D Í dag er ég s.s. búin að setja bláber út í allt sem ég hef borðað... Eftir það ævintýri héldum við í Reykjanesbæ/Keflavík á tvær opnanir. Önnur var í Suð-suðvestur og hin í Duus húsi. Sú fyrri var svona allt í lagi. Þar voru margir listamenn að sýna og fannst mér tveir áhugaverðir af öllum hinum. Maður hefði kannski kosið að skoða verkin í minni mannfjölda með einhverjum sem talaði um verkin, en oft verða listaverk áhugaverðar eftir að búið er að tala um þau, þá einhvern veginn verða þau táknmál fyrir einhverja áhugaverða hugmynd, frekar en kannski heilstætt verk í sjálfu sér, eða það er það sem mér finnst... Seinni sýningin var mjög skemmtileg. Þarna var ein stelpa að sýna nokkur hljóðfæri sem hún hafði búið til sjálf. Til dæmis var þar orgel búið til úr físibelgjum og glærum plaströrum, Svo var togað í spotta sem toguðu í handfang físibelgjanna og út kom skemmtilegur tónn. Einnig voru tveir symblar festir ofan á eihverskonar rokk og þegar þú stegst á fótsgigið fóru syblarnir saman(held þetta heiti symball-þetta er brons/gull lituðu diskarnir á trommusettum)... Svo var þarna rólusett með hæfindarstólum og rennibraut með hægindarstól. Þetta var mjög skemmtilegt og misstu sumir sig í því að búa til dásamlega tónlist á físibelgjaorgelið. Svo var haldið heim. Alla ferðina var boðið upp á bjór og samlokur og á fyrri sýningunni var boðið upp á hvítvín og rauðvín og því voru nokkrir eða flestir orðnir svolítið neðaníþví þegar á síðustu sýninguna var komið... en það var bara gaman:D Í rútunni var talað um það að allir á fyrsta ári færu á Mammút tónleika þar sem ein stelpan á fyrsta ári er í þeirri hljómsveit og fannst okkur rétt að veita henni stuðning og mæta. Það fór svo að þangað mættu þrír úr bekknum, ég, Steinunn og Leó. Allir hinir voru á Boston eða Belly's að tala um það hve blankir þeir væru að þeir bara gætu ekki eytt peningum í tónleika en að eyða peningum í bjór væri bara allt annað... Ég missti reyndar af Úlfi/Klive sem hitaði upp en maður getur ekki fengið allt... Svo tók ég bara strætó heim til þess að kveðja pabba því hann fór í nótt í þriggja/fjögurra mánaða ferð til Argentínu:(

Súrrealismi:

2008-09-03T23:18:00.004Z

Að sitja í stól sem á er stöng með höfuðpúða á næstum tómu bílastæði fyrir framan kringluna á meðan þýsk kona tekur myndir af þér með 100 ára gamalli filmumyndavél, segir þér að hugsa um Mónu Lísu, brosa með augunum og maðurinn hennar heldur á risastóru kringlóttu birtumýkingartjaldi.

Ekki bara hugarórar mínir, heldur veruleiki.

Ég fæ svo eina mynd senda heim eftir ca fimm vikur:D

Ps: Appearently I have an interesting face... hvað svo sem það þýðir...

Kökudagur

2008-09-02T23:00:00.002Z

á morgun.

Ég hlakka til að smakka ostatertuna sem ég lagaði:d

Vinnusaga

2008-08-31T20:36:00.002Z

Því miður gleymdi ég tilfinningaregnhlífinni minni heima í dag og því fóru allar skammirnar frá leiðinlegu kellingunni sem skammaði mig fyrir að selja litla stráknum sínum vatnsglas beint á sálina mína.

Sonur hennar kom í dag, þegar ég var að vinna í Smáralindinni og bað um vatnsglas. Mér er sagt að rukka fyrir glasið 20 krónur vegna þess að 1. það tekur tíma og fyrirhöfn að láta kalda vatnið renna, sækja glas og setja í það klaka, 2. Ég fæ ekki borgað frá Smáralindinni fyrir að gegna hlutverki vatnstanks fyrir gesti og gangandi, 3. Hann var ekki að kaupa neitt annað og loks 4. Hann bað mig ekki kurteisislega. Hann sagði ókei, fór til mömmu sinnar, sótti 20 krónur, kom aftur og keypti vatn. 20 mínútum seinna kom mamma hans og spurði mig á mjög reiðilegan máta hvort ég rukkaði virkilega 20 krónur fyrir vatnsglas og ég sagði já. Ég sagði að glasið sjálft kostaði pening og þjónusta mín kostaði líka pening. Hún sagðist sjálf vinna á fimm stjörnu hóteli(eins og það væri eitthvað betra en að vinna á Kaffitári...) og ef einhver kæmi til hennar að biðja um vatn myndi hún svo sannarlega veita þeim það. Ég hugsaði bara:"hversu oft kemur fólk inn á fimm stjörnu hótel að biðja um ókeypis vatnsglas? Ég myndi aldrei gera slíkt-Svo er Kaffitár úti á miðju gólfi og fólk gengur framhjá allan daginn að biðja um vatn og upplýsingar um hvar þessi eða hin búð er, ég er meira að segja spurð um strætóferðir..." en sagði ekkert. Svo gekk hún í burtu öskureið, og ég sný mér að gömlum vinnufélaga sem stóð þarna bíðandi eftir afgreiðslu og ég sagði eitthvað svona:"úff og Fruss, svona rétt til þess að losa um stressið og reiðina sem hafði byggst upp innan í mér", og hann var sammála mér um leiðindi konunnar. Litli strákurinn hlýtur að hafa séð mig og sagt mömmu sinni, vegna þess að hún kom askvaðandi aftur til mín og sagðist viljá fá eitthvað kvörtunareyðublað til þess að geta kvartað undan mér. Ég sagðist ekki vera með neitt slíkt en hún gæti annaðhvort sent e-mail á Mörtu yfirmann, að ég héti Jóhanna eða kannski tékkað hvort þjónustuborðið væri með kvörtunareyðublöð. Hún trúði mér greinilega ekki og strunsaði í burtu. Ég reyndi mitt besta í að halda ró minni og var eins kurteis og ég mögulega gat höndlað. Lít ég virkilega út eins og boxpúði???

Shmee

2008-08-30T21:05:00.002Z

Ég er búin að fá útborgað og því þarf ég ekki að sníkja matarpening af mömmu og Pabba lengur. Heldur þarf ég ekki lengur að gráta inni í sjálfri mér í hvert sinn er ég nota kreditkortið.
Það átti að halda í nýnemaferð til Viðeyjar í gær með skólanum og hélst áætlunin furðu lengi, þar til Ferjan aflýsti sökum veðurofsa. við förum líklega einhvern tíma seinna, annað hvort efnit tvær vikur eða eftir það. Hins vegar tókst flestum í bekknum að mæta í Bjórpartý á Prikinu í gær sem skipulagt var af eldri nemum Listaháskólans. Ég mætti náttúrulega úúbersvöl langfyrst klukkan hálf ellefu(en mæting var klukkan 10). Byrjaði á að halda að dyravörðurinn væri útlendingur og spurði hann á ensku hvort það væri eitthvað partý í gangi, og hann svaraði mér á íslensku, blekking mín tókst ekki... Svo fóru einhverjir þriðjubekkingar að mæta en ég sat ein úti í horni þar til Kolbrún vinnufélagi og þriðjubekkingur mætti, þá fékk ég að sitja með henni og vinum hennar:D Hún er góðhjörtuð. hehe:D Loksins mætti Helena færeyjingur(hún var líka í Myndó) og við spjölluðum. Þegar flestir voru farnir að hypja sig í burtu um eittleitið þá hringdi ég nokkrum sinnum í hana Sigrúnu sem var með mér í Myndó líka og er nú í Grafískri, en hún svaraði ekki, þannig að ég fór heim í fýlu, mig langaði svo að fara að dansa:( Og ofan á allt, hélt leigubílstjórinn að ég væri utan-af-landi-pakk í menningarreisu í Reykjavíkinni stóru,. Fjandans fífl... Heimferðin kostaði samt bara 1400 krónur :D
Úh, ég var að kaupa svarta blúndu sem ég ætla að sauma á háu svörtu krumpusígvélin mín:D Þau verða geðveikt flott:D
Svo var ógeðslega mikið að gera í smáralindinni í dag vegna þess að allir/flestir á íslandi fá útborgað á sama degi :(

Það er margt í pípunum

2008-08-24T23:48:00.002Z

Fyrsti skóladagurinn á morgun. Ég mæti kl. 09:00 og þarf einungis að taka einn strætó. Það mun breytast þar sem ég er yfirleitt í skólanum á öðrum stað, Laugarnesvegi.
Kórinn byrjar aftur 2. september.
Ég er síðan að vinna aðra hverja helgi í vetur á Kaffitárinu.
Og svo þarf ég að fara að drulla mér í það að taka fjandans bílprófið.
Ég er að gera tilraun til að safna hári. Mamma segir það verði fínt um jólin... Ætli ég verði ekki snoðuð þá haha;D
Ég hef tekið ákvörðun um það að vera rosalega dugleg í skólanum og gera allt eins vel og ég get, og ég ætla að vera dugleg í félagslífinu og hafa það skemmtilegt.
Ég ætla að hitta vini mína oftar.
Ég og mamma ætlum víst að fara að taka herbergið mitt í gegn...
Og margt fleira

Strætóraunir

2008-08-21T22:14:00.004Z

Ég sat í strætó á leiðinni heim úr vinnunni um daginn. Svo fer fólki sífjölgandi í strætó og svo verður að einhver maður sest hjá mér. Ég lykta að sjálfsögðu eins og fjögurra daga gamall kaffikorgur sem búið er að geyma í lokuðum plastpoka með átta daga gömlu óhreinataui. Ég lækka aðeins í ipodinum mínum, svo hann þurfi ekki að hlusta á tónlistina mína með mér og gef honum smá pláss með því að taka pokann minn og töskuna í fangið og þjappa mig svo upp að glugganum. Svo tveim stoppustöðvum seinna fer fólki fækkandi en maðurinn situr ennþá við hliðina á mér. Fjórum stoppustöðvum seinna er svo komið að ég, maðurinn og svona þrír aðrir sitjum í strætó, og fjandans gaurinn situr ennþá við hliðina á mér. Allar sex stoppustöðvarnar sem eftir voru þar til ég var komin að minni stoppustöð hringlaði sama setningin í höfði mínu:"Hérna afsakaðu herra, ég móðgast ekkert ef þú færir þig"...
Fólk! Það er ekki dónalegt að færa sig í laust sæti í burtu frá ókunnugu fólki sem þú hefur neyðst til að setjast við hliðina á!!!! Brostu bara og færðu þig, ég móðgast ekki, ég verð bara fegin...

London...

2008-08-20T23:11:00.001Z

Amma

2008-08-20T21:58:00.003Z

Bátar síðustu aldar dugga á hrukkum þínum í takt við hljóm gærdagsins.
Bátar með þungan farm sem áhöfnin staflar í háa stafla aftur og aftur.
Stafla sem hrynja í hverjum stormi.
Á meðan eru raulaðir löngu gleymdir söngvar
og löngu gleymd dansspor eru rifjuð upp.

Draumur næturinnar

2008-08-19T01:27:00.004Z

Ég er í flýti, að hlaupa um, með Helgu systur minni. Hún réttir mér smurt flatbrauð með osti innpakkað í álpappír. Það átti að vera hádegismaturinn hennar, en nú átti það að gegna hlutverki afmælisgjafar handa Kolbrúnu, vinnfélaga okkar. Ég skyldi færa henni gjöfina sem fyrst, enda átti Kolbrún afmæli í gær og fyrr er víst betra en seinna. Helga og ég erum á leiðinni á Kaffitár í Bankastræti þar sem hún á að fara að vinna en á leiðinni þangað verð ég skyndilega glorsoltin, og treð í mig afmælisgjöfinni. Namm, flatkaka með osti, svo bragðgott. En þegar við erum komnar á neðsta hluta laugarvegsins finnst mér ég verða segja Helgu að ég hafi borðar afmælisgjöfina hennar Kolbrúnar, enda á ég enga peninga sjálf til að kaupa nýja afmælisgjöf. Helga verður æfareið þegar ég segi henni fréttirnar, og við skjótumst saman í Bónus, að kaupa meiri flatkökur og ost. Við erum að ganga um ranghala Bónuss, með afmælisgjöfina í höndunum þegar ég vakna.
Jáh, nú getur einhver snjall í fagi sínu, greint hvað er að gerast í undirmeðvitund minni...

Kaffiblogg

2008-08-14T23:41:00.002Z

Ég játa á mig þá synd að dæma fólk eftir því hvernig kaffi það drekkur...

Latte=mjóóólk er góóð... ég er ótrúlega venjuleg/ur
Tvöfaldur Latte=ég veit aldrei á hvaða kaffihúsi ég er
Mildur Latte=Mjóóólk er súpergóð með svona hint af kaffibragði....
RistrettóLatte=afhverju ertu að fá þér kaffi???
Soya/hrís/hafraLatte=ég er með ofnæmi fyrir mjólk
SoyaLatte án ofnæmis=ég er heilsufreak og fíla moldarbragð
Froðulatte=mmm ég elska að sleikja froðuna úr skeiðinni-nautnaseggur
Léttur latte=fíla mjólk, en geri mér grein fyrir því hver innihaldsefnin eru í Latte...
Da Vinchi=ég tími að kaupa sykurinn í kaffið mitt
Latte með sírópi=ég nenni ekki að pæla í því hvað hlutirnir heita(vegna þess að þetta er í rauninni Da Vinchi, auli)
Capucchino=nautnaseggur
Stór capucchino=mér er alveg sama um hefð(þ.e. capucchino er nákvæmlega 1/3 expressó, 1/3 heit mjólk og 1/3 mjólkurfroða) og ég er partur af fólkinu sem kom þessum asnalega drykk á kortið...
Stór og lítill macchiato=ég veit hvað ég vil, ég hef gengið í gegnum súrt og sætt með hinum drykkjunum og hef lært
Stór og Lítill ameríkanó=(hef ekki enn sjálf myndað mér skoðun á þessu fólki...)
Uppáhellt=sjitt, eh eh.... ég er hrædd/ur við þessa kaffimenningu, eða=ég er í flýtum, eða=ég hef prófað hitt en fíla það ekki
Expressó stór/lítill=ég er rosalega heimsborgaraleg/ur með kaffið mitt
Sexfaldur expressó til að taka með=Get ég fengið þetta beint í æð? En ef þú bleytir túrtappa upp úr hreinu koffíni? Ókei þá, sexfaldan expressó....
Ltill expressó eða lítill macchiato í götumáli=ætlarðu að sleikja kaffið úr málinu?
Ristrettó=tóku örugglega allir eftir því að ég pantaði Ristrettó?
Swiss Mokka=ég er drísill
ristrettó SvissMokka án rjóma=Hvað í andskotanum? Slepptu fokkíng kaffinu...
Karamellusveifla=ég er djöfullinn sjálfur
Mildur Da Vinchi með fimm skotum af vanillusírópi="I shall bring doom upon all mankind and make them suffer by walking on a giant cactus, eat a thousand tons of cotton, pour acid in their armpits, make them watch a hundred thousand flash lights, and so on..."

búss

2008-08-12T19:41:00.002Z

Á sunnudaginn verða mamma og pabbi ekki heima-þau verða s.s. utan skutlfæris, og því neyðist ég víst til þess að ferðast með yndisfögrum strætónum upp í Smáralind. Ég var að tékka á bus.is hvernig ég kæmist þangað og það liggur þannig fyrir að ég þurfi einungis að taka tvo strætóa. Gallinn er hins vegar sá að þetta mun taka mig rúmlega klukkutíma, með 36 mínútna stoppi á Hlemmi... Þarf ég virkilega að vakna klukkan 9 til þess að eyða 36 mínútum af lífi mínu á Hlemmi??? Ætli ég stoppi ekki frekar á Lækjartorgi taki mér smá göngutúr upp Laugarveginn, ef það rignir ekki...

Öðruvísistolt:D

2008-08-10T00:13:00.003Z

Ég var s.s. að vinna í dag, þ.e. á Gaypridegöngudeginum. Frá 7:30-16:00. Í morgun var megarólegt, svona eins og lognið á undan storminum, þegar maður veit að eitthvað rosalegt á eftir að eiga sér stað... Þess vegna er einhver, kannski guð, að gefa okkur séns að búa okkur undir storminn... Þið vitið, gefa manni tíma til að fylla á götumálin, lokin, sykurinn, baka tonn af bakkelsum, fara niður í kjallara og læsa að sér og helst ekki koma út aftur... Það komu tveir frekar fullir náungar í morgun og báðu um "hinsegin kaffi", ég spurði hvernig kaffi það væri... Þeir héldu áfram að rausa um hinsegin kaffi og flissuðu svo eins og smástelpur. Ég lagði til að ég skyldi búa til eitthvað handa þeim og rukka þá svo fyrir dýrasta drykkinn á seðlinum... Þeir pöntuðu sér þá tvo stóra expressó. Ófyndnu lúðar... Um ca. 2-3 fór að pakkast inn á staðinn og klukkan hálfþrjú vorum við 5 starfskraftar öll á tánum að halda hausnum uppi fyrir ofan yfirborðið í djúpu lauginni... Það var röð út á götu að kaupa expressogrunnaða drykki og eitthvað með og það leit út sem langflestir vildu fá eitthvað sem var með sírópi útí, þannig að ég, sem var í því að búa til expressóana þurfti að hætta mér yfir á yfirráðasæði risastóra geitungsins, sem sveimaði í kringum sírópin, í hvert sinn sem einhver vildi fá heslihnetu, karamellu, kókos, vanilllu... blabla Davinci. Röðin af póst-it miðunum(pantanir) ofan á LaMarzokkónum(expressóvélin) okkar var endalaus þrátt fyrir dugnað okkar sem baristur. Einhvernveginn held ég að Playlistinn á Ipodinum mínum sem innihélt lög eins og "Vögguljóð" sungið af Ragnheiði Gröndal, My baby-Nina Simone, Lady D'Arbanville-Cat Stevens og fleiri lög í slíkum dúr, hafi ekki alveg náð að grípa logandi stemninguna sem þarna kraumaði í andrúmsloftinu. Loksins keyrðu lesbíurnar og hommarnir framhjá í litríkum, fagurskreyttum freygátum ásamt æpandi skrílnum og dúndrandi tónlistinni. Já þetta er alltaf jafngaman:D Ekki endilega út af því að þetta er GayPrideganga, heldur út af því að þarna er kominn saman stór hópur sem er eins og hann er, og allir sem eru þarna með þeim styðja þennan hóp í því sem þau gera og allir eru svo glaðir. Þegar allt þetta fólk fór framhjá fannst mér eins og þarna úti væri eitt risastórt KNÚS á gangi niður laugarveginn... Til hamingju Haffi og Helga, og allir hinir sem ég þekki og þekki ekki, og til hamingju allir hinir:D Knúúús;D
En vá, á næsta ári reyni ég að komast hjá því að vera að vinna á GayPride. Hjartað mitt höndlar það ekki oftar en mest annaðhvert ár... Ég ætla að Labba með þvögunni, eða standa inni á Kaffitári að horfa á hana fara framhjá, vinna knúsið og segja svo bless bless við aumingja fólkið sem er að vinna...
Kannski ætti þetta bara að heita hinsegin ganga og allir sem væru öðruvísi en normið(þ.e. allir nema einhver einn sem miðað er við) mættu vera með... Líka þeir sem svæfu reglulega með bangsann sinn, þeir sem læsu moggann afturábak, þeir örvhentu, rauðhærðu, þeir sem fíla ekki gæludýr, þeir sem sem segðu "Free" en ekki "Three" coffee(lenti í einum soleiðis í dag...) og allir hinir sem vilja eða vilja ekki skera sig úr fjöldanum:D

Karamellukúkur

2008-08-07T00:35:00.004Z

Kremfyllingin er svört, eins og ónýt olía á gamalli mözdu.
Kexið er seigt og blautt eins og fjögurra daga gömul mjólkurtuska ofan í eldhúsvaskinum.
Súkkulaðið utaná bragðast eins og græni bletturinn í ristabrauðinu.

Þú ert ógeðslega sætur.
Þú ert viðbjóðslega væminn.
Þú ert hryllilega mikið krútt.

Litli sæti einhyrningurinn minn.
Fallegi mjúki kærleiksbjörninn minn.

Þessi ótrúlega glitrandi kristalsaugu.

Djöfull ferðu í taugarnar á mér.

Ferðasagan um London. 2008

2008-08-04T18:48:00.003Z

28. júlí mánudagur. Ferðadagur
Við flugum eldsnemma um morguninn til Lundúna, eftir hálfsvefnlausa nótt. Herra og Frú Sólskin og Steikjandi hiti tóku á móti okkur fyrir utan flugvöllinn á meðan beðið var eftir rútunni sem átti að ferja okkur frá Stansted til Victoria station, og því misstum við fáein kíló samtals í formi svita. Klukkan hefur verið um tvö, fyrsta daginn, þegar við loksins gátum farið að gangaa almennilega um Lundúnaborg og sáum við þá m.a. Buckingham Palace og Hyde Park. Í garðinum skemmti Eva sér við þá iðju að ganga upprétt í baki á móti litlum karlmönnum, oftast Indverskum í útliti, til að sýna okkur hve há hún væri miðað við þá. Metið var víst 7 í röð... Í þessum langa göngutúr þennan daginn náðum við góðum árangri í að týnast og missa áttina en það gerð það bara að verkum að við kynntum s borginni enn nánar. Kvöldmaturinn var etinn á Portúgölskum stað sem hét Nando's, hvar við fengum gómsætan kjúkling í brauði.
29. júlí þriðjudagur. Verslunardagurinn mikli
Á Oxford Street eyddum við fjölmörgum pundum á hæsta genginu í allri ferðinni, 165kr. Jolly time baby:D Við kynntumst mannlífi þessarar stóru heimsborgar í fjölmörgum verslunum. Við rannsökuðum andrúmsloftið og tókum púlsinn á fjölda stöðum s.s. Debenhams, zöru, Accessorize og H&M, og einnig kynntumst við vel mannflórunni í neðarjarðalestakerfum borgarinnar. Hinsta máltíð þessa dags var staðsett á dýrindis ítölskum veitingastað þar sem bornar voru á borð fyrir okkur gómsætar pizzur og pastaréttur.
30. júlí miðvikudagur. Hrelliskellir
Við ákváðum að morgunverður í boði hótelsins væri ekki þess virði að vakna fyrir þennan morguninn og snoozuðum því í smá stund. Því neyddumst við til morgunmatarinnkaupa í Sainsbury's matvörubúðinni rétt hjá. Við leituðum lengi að almenningsgarði eða einhverjum grasbletti til þess að setjast niður í sólinni meðan við myndum borða verðinn, en enginn slíkur fannst í tækatíð áður en hungrið bugaði okkur og því fengu matarsletturnar frá hungruðum stúlkunum að falla á innanstokksmuni hótelherbergisins. Við notuðum Ostrukortið okkar, sem við höfðum fjárfest í daginn áður, til þess að ferðast að St. Paul dómkirkjunni, sem er ákaflegafögur (miðaldakirkja) í endurreisarstíl. Þar gengum við uoo á hæstu kæðina í kúplinum, eða um 528 tröppur. Útsýnið var stórkostlegt og kálfarnir titruðu af erfiði þegar niður var komið. Marylin Monroe andsetti mig á leiðinni heim einhverjum indverja til mikillar kæti, þ.e. vindurinn feykti upp nýja köflótta kjólnum mínum að mér óviðbúinni... Við flýttum okkur heim svo við gætum haft nægar níma í að gera okkur áhorfanlegar fyrir Lion King söngleikinn. Það voru nú ófáir sem gáfu okkur hýrt auga þegar við komum út af hótelinu enda ekki ólaglegar stúlkur þar á ferð. Þrátt fyrir lestartafir og óskemmtilegheit komumst við í Lyceum theatre í tæka tíð og áttum saman ógleymanlega kvöldstund í faðmi leikhússins og leikara í fögrum búningum. Það var ekki laust við að stúlkurnar klökknuðu við að sjá fyrsta atriðið, svo stórfenglegt var þetta. Persónur sýningarinnar sem stóðu uppúr voru Skari(J), Múfasa(H,E), Rafiki(J,H,E), Púmba(J,H) og Zazu(J). Eftir leikritið var haldið á Maccadónalds að fá sér franskar og Maccaflö. Á meðan við kjömsuðum á ísnum kom inn óeiðraseggur, líklegast dópisti í leit að stað til að
dópa sig, og gerðist hurðaskellir og stúlknahrellir.
31. júlí fimmtudagur. Ljósmyndatökur
Við snoozuðum aðeins og lengi aftur í dag og fengum okkur dýrindis-morgunmat inni á lestarstöðinni. Jóhanna(mangóbitarog smoothie ), Eva(safi, ávaxtabitar og jógúrt) og Harpa(bökuð heit kartafla með tikkamasala-kjúklingabitum). Dýragarður Lundúna var næst á dagskrá hvar við sáum mörg merkileg dýr næstu fjóra klst. Batterí og ljósmyndapláss kláraðist hjá okkur sökum ákaflega krúttlegs Mar(ðar)kattar í módelstuði. Því reyndum við eins og við gátum að rýma fyrir ljósmyndatökum á Madame Toussauds vaxmyndasafninu. Quiznoz varð fyrir valinu þetta kvöldið, þó gæðin hafi ekki verið þau sömu og heima:( Harpa vökvamerkti herbergið með munnvatni og spræti sökum kímni Evu.
1. ágúst föstudagur. 6,sex,6,sex,6,sex,6,sex,6,sex
við vöknuðum í tæka tíð fyrir morgunmatinn og héldum á Notting Hill markaðinn. Þar fjárfestum við í dýrindis glingri og töff skóm. Á lestarstöðinni á leiðinni á markaðinn gekk einhver svartklædd pönkstelpa upp að mér og spurði mig hvar ég hefði fengið þessar geðveikt flottu rauðu sokkabuxur sem ég klæddist. Ég héld að stíllinn minn væri "anything but punk" haha... Breska konungsveldið heldur líklegast að við stúlkurnar séum mjög uppteknar af kynlífi sökum óheppilegra líkinda á ákveðnni tölu á íslensku og orðsins "sex" á ensku. Eftir að hafa séð megnið af markaðnum fengum við okkur gómsæta bruscettu og hvítlauksbrauð.
2. ágúst laugardagur. Liðaskipti dagurinn
Við snoozuðum kröftuglega þennan morguninn og báðum meira að segja herbergisþernuna að koma seinna að þrífa. Við skiptum liði eftir að hafa fengið okkur morgunmat og kaffi með Heiðrúnu, frænku Evu, og Elínóru dóttur Heiðrúnar. Eva fór með áðurnefndum aðilum á sædýrasafnið á meða ég og Harpa héldum á Camden Market. Eva var búin að hlakka mikið til að fá að klappa skötunum en þegar hún kom á safnið komst hún að því að það var búið að banna það... Á markaðnum keyptum við Harpa ýmsa hluti, þó færri en daginn áður. Harpa fékk sér skó, bol og crepes og ég fékk mér það sama. Crepesið átum við samanþjappaðar undir einni regnhlíf sökum skyndilegrar hellidemburigningar. Það hafði verið rigningarlegt um morguninn, en ég gleymdi regnhlífinni... Eftir markaðinn hittum við Stelpurnar hjá London eye. Það tók smá á taugarnar að komast þangað vegna þess að ið týndumst smá sökum hugmyndaleysis borgarstofnenda á götuheitum. en allt fór vel að lokum og við fengum okkur allar ítalskan kúluís. Á leiðinni heim hafði ég orð á því við Heiðrúnu hvað fólkið hér væri lágvaxið og tilvísaði í rannsóknir Evu fyrr í ferðinni. Þá sagði Eva; "já, ég tók sjö indverja í röð!!!". Um kvöldið brögðuðum við á Asískum mat, mjög líklega eldaðan af Breskum kokki með afar viðkvæmt og næmt bragðskyn, því við Harpa fundum ekkert bragð af matnum. Maccadóni framreiddi svo eftirréttinn þetta kvöldið. Eva segir að Davie Hasselhoff tökki geðveikt vel inn...
3. ágúst sunnudagur. Heimferð
við vöknuðum í morgunmatinn og sögðum bless við herbergið og karlþernuma kl. 10 um morguninn með 10 pundum. við skildum svo draslið okkar eftir á frímerkisgólfplássinu hennar Heiðrúnarog héldum á Modern Tate. Við tókum strætó til þess að sjá borgina í hinsta sinn:D Safnið var smá vonbrigði og þótti okkur sem við hefðum misst af partinum sem innihélt öll flottu listaverkin:( Við drekktum sorgum okkar í ís og pulsu. Svo keyptum við skilnaðargjöf og þakkargjöf handa Heiðrúnu, blóm og kaffi:D Á Starbucks gerði Jóhanna sig að smá nördafífli fyrior framan afgreiðslustúlkuna sökum ofvitneskju um kaffimölun. Heim hjá Heiðrúnu fengum við hádegismat og pressukönnukaffi:D Þar gat Jóhanna loksins deilt vitneskju sinni um kaffi með áhugasömum kaffiunnanda;D Svo var hlaupið á strætóstöðina með allar töskurnar og dröslast upp í vagninn með öll þyngslin, og nagginn:DStrætókerfið varð ofar á vallistanum heldur en neðanjarðalestarnar sökum viðgerða þar... Þar sem við vorum með forbókað sæti í flugvélinni fengum við "fasttrack" límmiða á flugmiðann okkar og þurftum við því ekki að bíða í stóru biðröðinni við leitarhliðið, heldur komumst við mikið fyrr inn í flugstöðina. Því fengum við lengri tíma í að eyða aukaklinkinu okkar á tollfrjálsa svæðinu áður en heim var haldið:D

foreldrar...

2008-07-25T22:42:00.003Z

Stundum líður mér eins og ég búi með tveim uppreisnarunglingum. Talandi um "midlifecrisis"...

Útvöxtur á enni til ama

2008-07-23T22:35:00.003Z

Ég þrái að binda enda á þjáningar mínar. Óþægindin orsakast af ofvexti á ofan-og framan-verðri höfuðkúpu minni og ekki falla mér margir kostir í völ við að losna við þetta, heilkenni, eins og það er kallað. Já ég þjáist mjög og á hverjum degi. Þessi ofvöxtur veldur óbærilegri svitamyndun á enninu og stundum á ég erfitt með að sjá skýrt sökum tímabundinnar hálfblindu. Einnig veldur ofvöxturinn verkjum í hálsvöðvum sem leiðir út í axlir og stundum ofanvert bak. ég á mér einungis tveggja kosta völ, annan völ sem kostar fjárútlát og hinn sem mun aftra mér í smá tíma þar til heilkennið hefur vaxið út. Ég hef ákveðið að fyrri kosturinn henti mér betur og þarf ég að greiða úr þessu vandamáli sem fyrst, þar sem ég er á pantað flug til Lundúna næsta mánudag. Því þarf ég að hafa hraðan á og ákveða hvenær ég hef tíma til að fara í klippingu...

Alein:(

2008-07-19T20:54:00.003Z

Fimmtudagskvöldið var eitt það stelpulegasta sem ég hef upplifað lengi. Eftir lokun á tárinu í Kringlunni, um 10-leitið, hitti ég Kaffitárskrakkana á Prikinu á svokölluðu bjórkvöldi. Ég ákvað að taka stelpulegheitin á þetta og fékk mér Ananasbreezer, sem er að sjálfsögðu eitt það stelpulegasta senm hægt er að fá sér á bar, fyrir utan kannski vatnsmelónubreezer... En það eru náttúrulega bara skinkur sem drekka svoleiðis... Hóflega snemma, sökum strætóþurftar, fór ég heim, þ.e. um 12leitið, og horfði á Flashdance. Flashdance er STELPUmynd... og hommamynd... hehe:D
Það er eitthvað annað en laugardagskvöldið mitt akkurat núna... Ég er svo einmana. Það er svo viðbjóðurslega gott veður og ég var búin að vinna kl. 16:30. Að sjálfsögðu langaði mig að gera eitthvað með góðri vinkonu, úti í góða veðrinu... Ég hringdi í eina, en hún var úti á landi, komst ég svo að því að önnur var að vinna uppi í Smáralind, og sú þriðja svaraði ekki símanu, líklegast upptekin við vinnu. Ég s.s. kom við í Hagkaupum á leiðinni út úr Kringlunni, keypti tortellíní og safa, og hélt heim á leið. Ég þurfti að taka tvo strætóa heim, sem þýddi að ég beið í hálftíma niðri í miðbæ á Lækjartorgi og horfði á vini og kærustupör ganga upp og niður Laugaveginn, og ég sá ekki eitt andlit sem ég kannaðist við... jú ég sá Björn Bjarnarson keyra með dræverinum sínum á Lækjargötunni... Er ég virkilega meira einmana en hann? Takið svo eftir því fyrir ofan að ég var EIN að horfa á Flashdance!!!
Já, snilldinni og fegurðinni fylgir einmannalegur verðmiði...

Gegnsæi

2008-07-15T15:33:00.004Z

Nýrað í mér kippist til
í hvert sinn sem ég sé þig
og undirhárin á höfði mínu
gefa frá sér sting,
líkan þeim sem kemur
er bitlausri rakvél er strokið upp kálfann.
Í þau skipti sem þú kemst að því
að ég er að stara á þig
þá finn ég svitann streyma niður
á milli brjóstanna
og vildi þá að ég hefði ekki augu.
Munnur minn verður skyndilega andfúll
og blettirnir í handakrikunum stækka
í hvert sinn sem ég þarf að eiga við þig orð
og reyni ég því ávallt að komast hjá samskiptum við þig.
Þegar ég sé þig nálgast
breytist gólfið undir fótum mínum í stingandi kaktus
og ég neyðist til þess að flýja inn á salerni.

Kórablogg

2008-07-09T18:18:00.002Z

Ég er komin með tvo nýja linka. annar er linkur inn á kórabloggið og hitt á eitt ákveðið blogg á síðunni sem skrifað var af öðrum kórfélaga. Endilega lesið þetta því ég nenni ekki að skrifa svona langt blogg sjálf:D
Hlekkina er að finna í dálknum "nýjir hlekkir":)

Úglandablogg 2

2008-07-06T09:55:00.002Z

Ok. Veðrið í sumarbústaðnum var ekki beint Bongó, en... Það var samt alveg nógu gott... Fyrstu dagarnir tveir var vindum frá landi og niður að sjó, og gerði það að verkum að á ströndinni var allt morandi í svörtum pínulitlum bjöllum sem sóttu í sólarvörnina. Svo fór veðrið batnandi, þ.e. vindurin skipti um átt, það var enn skítkalt, en ekki sást mikið af pöddunum:D Svo seinustu tvo dagana var Bongó:D Rosalega heitt, úff. Seinasta kvöldið okkar elduðum við dýrindis labmakjöt með rjómaosta sveppa sósu, grænmetisgramsi og rauðu og gulum:D Enda var afmælisdagur hennar Svönsu okkar kominn að kveldi. Ég og Svansa fengum ógeðslegt kvef í sumó og vorum hálfóvirkar í samræðum og þess háttar í tvo daga. Saunan á staðnum komst aldrei í gagnið, enda var aðeins of heitt inni í óloftkældum sumarbústaðnum. Sæl að sinni:D

Póstkort fá úglöndum:D

2008-06-27T17:20:00.003Z

Ég hef ekki enn getað fundið póstkort sem eru nógu skemmtileg til að senda til ykkar kæru vinir og því hef ég ákveðið að skrifa bara smá blogg, og kannski hef ég einhvern tíma aflögu til póstkortaskrifa í bústaðnum í þýskalandi.

Allavega er búið að vera rosalega gaman hjá okkur mömmu og pabba bæði í kórferðinni í Slóveníu og Ítalíu og einnig í heimsókninni í Danmörku. Ég tel mig ekki hafa kvartað allt of mikið undan kaffinu í þessari ferð þó aðrir gætu verið ósammála... Portoroz, rósahöfnin í Slóveníu er pínuponnsulítill bær sem samanstendur af einni hótelkeðju sem býður upp á nokkur hótel þarna í sínumhvorum verðflokki, einni verslunargötu hvar eru kaffihús, einn draslmarkaður, barir og veitingahús og svo ströndinni. Þarna gistum við á fjögurra stjörnu hóteli með sundlaug, nuddpottum, fríu morgunmatarhlaðborði og fríu kvöldverðarhlaðborði. Svo var hægt að panta sér Thailenskt nudd. Stærsti nuddskammturinn fór víst djúpt í marga er hann tóku og voru þeir margir aumir í líkamanum daginn eftir. Ég ákvað að sleppa þessum pakka og slappaði af á hinum ýmsu kaffihúsum milli þess sem við vorum að æfa og héldum tónleika. Stóru tónleikarnir okkar voru haldnir í einhverskonar kirkjuklaustri í nágrannabæ sem hét Piran. Húsið var eins og ferkantaður súlnagangur og í miðjunni var opið í himininn. Þarna byrjaði Slóvenskur kór á að hita upp fyrir okkur með einum 7 lögum og svo sungum við okkar prógramm, sem voru um 8 lög að ég held. ÞArna hlustuðu allra þjóða kvikindi á söng okkar og voru margir sem táruðust yfir englaröddum okkar. Á fremsta bekk sat munkur í brúnum kufli. Það var ótrúlega gaman að horfa framan í hann því andlitið á honum lýstist upp þegar við sungum. Kórstjóri hins kórsins er sagður hafa verið hágrátandi allan tímann yfir því hve vel kórinn okkar söng. Þetta var alger vítamínbomba að syngja þarna enda voru allir í dýrindis skapi eftir þetta.
Hér í Danmörku erum við að taka okkur til fyrir þýskalandsförina á morgun og við erum að reyna að ákveða hvort við eigum að vera að því að troða regnfötum og stígvélum með í ferðatöskuna... Það spáir víst Bongó:D

jeramías minn

2008-06-13T19:43:00.002Z

Föstudagurinn 13. Ég var ekki að vinna í dag og neitað meira að segja vinnu, tvisvar sinnum, í dag. Nei, í dag vaknaði ég snemma og byrjaði að pakka fyrir þriggja vikna utanlandsferð sem mun eiga sér stað í fjórum löndum. Um hádegi fór ég með henni mömmu í Kringluna að kaupa nauðsynjavörur sem vantaði fyrir ferðina svo sem tannbursta, tannkrem, rakvélablöð, bikiní, sumarkjól, nærbuxur, eyeliner og fleira. (Sorry Harpa, ég keypti mér eins kjól og þú keyptir, nema bara í öðrum lit...) Eftir að hafa keypt allt sem okkur vantaði fengum við okkur súpu á Café Paris hvar við sátum úti í algerum potti, ég klæddist svörtu pilsi, svörtum háum sokkum og svörtum skóm sem sólin skein svo grimmt á að ég var að brenna úr hita. Svo héldum við móðir góð heim á leið og gripum með okkur smá kaffitár á leiðinni heim til þess að hafa orku í að klára að pakka. Eftir að regla var komin á stóru ferðatöskurnar okkar sló ég grasið í garðinum fyrir hana móður mína þar sem hún er nú einu sinni rifbeinsbrotin(í alvöru, hún var að klaufast eitthvað heima um daginn og datt á stóra flísasög og rifbeinsbrotnaði) já manngæska, I has it. Maður er nú smá Pro eftir heilt sumar í slátturhópnum í unglingavinnunni fyrir nokkrum árum...
Við sjáumst þá bara einhverntíma eftir 8. júlí:D Ég mun sakna ykkar flestra... :,(